ТӨРИЙН АУДИТЫН БАЙГУУЛЛАГЫН МЭРГЭЖЛИЙН ТАСРАЛТГҮЙ СУРГАЛТЫН ХӨТӨЛБӨРИЙН ХҮРЭЭНД ҮНДЭСНИЙ АУДИТЫН ГАЗРЫН АЖИЛТНУУДАД ЗОРИУЛСАН СУРГАЛТЫГ АМЖИЛТТАЙ ЗОХИОН БАЙГУУЛЛАА

Төрийн аудитын байгууллагын мэргэжлийн тасралтгүй сургалтын хөтөлбөрийн хүрээндҮндэсний аудитын газрын ажилтнуудад зориулсан сургалт Улаанбаатар хотноо 2014 оны 9-р сарын 28-аас 10-р сарын 1-ийг хүртэл амжилттай зохион байгуулагдлаа.Тус сургалтын зорилго нь Санхүүгийн тайлангийн аудитын журмыг шинэчлэн боловсруулж, баталсантай холбогдуулан аудитор, шинжээч нарт шинэ журамд орсон нэмэлт өөрчлөлтийг танилцуулж, өөрийн ажлын арга барилдаа хэрхэн нэвтрүүлэх талаар арга зүйн зөвлөгөө өгч,  гүйцэтгэлийн аудитыг олон улсын стандартын дагуухэрхэн оновчтой зохион байгуулах болон үндэсний аудитын газарт шинээр нэвтэрч буй мэдээллийн систем, нэгдсэн VPN сүлжээ, мөрдөгдөж буй хууль тогтоомж, дүрэм, журам, үйл ажиллагааны талаарх мэдээллээр системчилсэн мэдлэг олгоход чиглэлээ.

Үндэсний аудитын газрын Олон улсын сургагч багш Х.Баярмаа тэргүүтэй 10 багш 4 өдрийн турш 2 кредит 32 цагийн заавал болон сонгон суралцах хичээлийгонол, практик хослуулан орж, сургалтад амжилттай хамрагдсан ажилтнуудад гэрчилгээ гардууллаа. Мөн сургалтын төгсгөлд Төрийн аудитын байгууллагын удирдлагууд нийт ажилтнуудтай нээлттэй ярилцлага зохион байгуулж, байгууллагын үйл ажиллагаанд тулгамдаад байгаа асуудал болон цаашдаа авч хэрэгжүүлэх ажлын талаар санал солилцож, хариулт өглөө. Төрийн аудитын байгууллагын мэргэжлийн тасралтгүй сургалтын хөтөлбөрийн хүрээнд Хангайн бүс, Зүүн бүс, Баруун бүс, Төвийн бүсийн сургалтууд амжилттай зохион байгуулагдаад байна.