ҮАГ-ЫН 2016 ОНЫ БҮТЭЭГДЭХҮҮН АЖИЛ, ҮЙЛЧИЛГЭЭНИЙ ТӨЛӨВЛӨГӨӨНИЙ ДАГУУ ХИЙХ ГҮЙЦЭТГЭЛИЙН АУДИТЫН ЯВЦ

Гүйцэтгэлийн аудитын газраас Улсын Их Хурлын Төсвийн Байнгын хорооны 2016 оны 01 дүгээр тогтоол, Монгол Улсын Ерөнхий аудиторын баталсан аудитын ажил үйлчилгээний төлөвлөгөөний дагуу

• “Улсын төсвөөс эргэн төлөгдөх нөхцөлөөр олгосон зээлийн хөрөнгийн зарцуулалт, эргэн төлөлт, үр дүн”-д хийх аудитын төлөвлөгөө, хуваарийн дагуу Аж үйлдвэрийн яамны харьяа Жижиг, дунд үйлдвэрлэлийг хөгжүүлэх сан, Хөдөлмөрийн яам, Тариалан эрхлэлтийг дэмжих сан, Мал хамгаалах сан, Хөдөлмөр эрхлэлтийг дэмжих сангуудад талбарын ажлыг гүйцэтгэж байна.
• “Монгол Улсын эдийн засаг, нийгмийг хөгжүүлэх үндсэн чиглэлийн хэрэгжилт”-д хийж буй гүйцэтгэлийн аудитын тайлангийн төсөлд санал авахаар 2016 оны 3 дугаар сарын 22-ны өдөр Засгийн газрын хэрэг эрхлэх газар болон Сангийн яаманд хүргүүлэв.

Мөн уг аудитын хүрээнд Монгол Улсын эдийн засаг, нийгмийг хөгжүүлэх үндсэн чиглэл”-д батлагдсан зорилт, арга хэмжээнүүдийн талаарх мэдээлэл бүхий цахим систем      бүтээж, мэдээллийн санд холбогдох мэдээллийг оруулахад бэлтгэж байна.

• Эрчим хүч, харилцаа холбооны тусгай зөвшөөрөл олгох үйл ажиллагаа, үр дүн сэдэвт аудитын аудитын төлөвлөгөө, хуваарийн дагуу Эрчим хүчний зохицуулах хороо, Харилцаа холбооны зохицуулах хороонд талбарын ажлыг гүйцэтгэж, байна.
• 2015 оны улсын төсвийн хөрөнгө оруулалтын хэрэгжилт, үр дүн”-д хийх аудитын хүрээнд аймаг, нийслэлийн аудитын газрын дарга, Тэргүүлэх аудиторууд, тухайн аудитад оролцох аудитор, шинжээч нарыг оролцуулан онлайн хэлэлцүүлэг зохион байгуулж, холбогдох чиглэл өглөө.

EZ check хөрөнгө оруулалтын цахим мэдээллийн санд нэвтрэх эрхийг үүсгэн орон нутгийн аудитын байгууллагуудад хүргүүлээд байна.