АХМАДЫН БАЯРЫН ӨДРИЙГ ТОХИОЛДУУЛАН ТӨРИЙН АУДИТЫН БАЙГУУЛЛАГА АХМАД НАСТНУУДАА ХҮЛЭЭН АВЧ, ХҮНДЭТГЭЛ ҮЗҮҮЛЛЭЭ

Төрийн аудитын байгууллага жил бүр Сар шинийн баяр болон Ахмад настны баярыг тохиолдуулан ахмад настнуудаа хүлээн авч хүндэтгэл үзүүлдэг уламжлалтай. Үндэсний аудитын газар ахмадууддаа хүндэтгэл үзлүүлэх арга хэмжээг 10-р сарын 2 нд зохион байгуулсан бөгөөд Төрийн аудитын байгууллагад ажиллаж байсан үе үеийн бүх ахмад настнууд оролцлоо. Тус үйл ажиллагааг Монгол Улсын Ерөнхий аудитор А.Зангад нээн үг хэлж, байгууллагын үйл ажиллагааны өнөөгийн нөхцөл байдлыг ахмадууддаа танилцуулж, тайлангаа тавилаа.

Монгол Улсын Ерөнхий аудиторын албыг 1995-2009 он хүртэл хашиж байсан Л.Жавзмаа, мөн Ерөнхий аудиторын албыг 2009-2012 хүртэл хашиж байсан Ч.Раднаа нар Төрийн аудитын байгууллагын удирдлагууд болон ажилтнуудын цаашдын үйл ажиллагаанд үнэтэй зөвлөгөө өгч, ярилцлаа. Хүндэтгэлийн үйл ажиллагаа ахмад настнууддаа гарын бэлэг өгч, дурсгалын зураг татуулснаар өндөрлөлөө.

                                 Нийт ахмадууддаа эрүүл энх, урт удаан наслахыг хүсэн ерөөе.