СОНГУУЛИЙН МӨРИЙН ХӨТӨЛБӨРТ ХИЙХ НИЙЦЛИЙН АУДИТЫН ЯВЦЫН МЭДЭЭЛЭЛ
Үндэсний аудитын газарт 2016 оны 4 дүгээр сарын 20-ны байдлаар сонгуулийн тухай хуулийн 67 дугаар зүйлийн 67,5-д заасны дагуу 14 улс төрийн нам, 2 намуудын эвсэл, 80 гаруй бие даагч сонгуулийн мөрийн хөтөлбөрөө хянуулахаар ирүүллээ.
Үндэсний аудитын газар нам, эвсэл, бие даагчийн сонгуулийн мөрийн хөтөлбөрт туссан зорилт, арга хэмжээ нь Хөгжлийн бодлого төлөвлөлтийн тухай хууль, Төсвийн тогтвортой байдлын тухай хууль, Монгол Улсын тогтвортой хөгжлийн үзэл баримтлалд нийцсэн эсэх болон эдийн засгийн тооцоо, судалгаанд аудит хийж дүгнэлт гаргана.
2016 оны УИХ-ын сонгуульд оролцох мөрийн хөтөлбөрөө ирүүлсэн нам, эвслүүд:
1. Ардчилсан нам
2. Монгол ардын нам
3. Бүгд найрамдах нам
4. Ард түмнээ хайрлая нам
5. Эрх чөлөөг хэрэгжүүлэгч нам
6. Хөгжлийн хөтөлбөр нам
7. Эх орон нам
8. Хөдөлмөрийн үндэсний нам
9. Монголын ардчилсан хөдөлгөөний нам
10. Уламжлалын нэгдсэн нам
11. Иргэний зориг ногоон нам
12. Монголын консерватив нам
13. Монголын үндэсний ардчилсан нам
14. Монгол ардын хувьсгалт нам
15. Эх орончдын нэгдсэн нам, Хамаг Монголын хөдөлмөрийн намын “Эх орончдын нэгдсэн эвсэл”
16. Тусгаар тогтнол эв нэгдлийн нам, Монголын ногоон намын “Нэгдсэн монгол эвсэл”
Төрийн аудитын байгууллагын орон нутаг дахь салбар аудитын газрууд орон нутгийн хурлын сонгуулийн мөрийн хөтөлбөрийг хүлээн авч, дүгнэлт гаргахаар ажиллаж байна.
