МОНГОЛ БАХАРХЛЫН ӨДРӨӨР ТӨРИЙН АУДИТЫН БАЙГУУЛЛАГЫН АЖИЛТНУУД ТАНГАРАГ ӨРГӨЛӨӨ

Төрийн аудитын байгууллагад туршилтын хугацаанд ажиллаж байсан Үндэсний аудитын газрын 7 албан хаагч, Нийслэлийн аудитын газрын 8 албан хаагч 2014 оны 11-р сарын 23 нд Нийслэлийн Хангарьд ордны хүндэтгэлийн танхимд төрийн аудитын тангараг өргөж төрийн жинхэнэ албан хаагч боллоо. Тус тангараг өргөх ёслолын арга хэмжээ Чингис хааны мэндэлсэн өдөр болох  өвлийн тэргүүн сарын шинийн нэгэн буюу Монгол бахархалын өдөр тохиож байгаа нь онцлог юм. Төрийн жинхэнэ албан хаагч болсон ажилтнуудад Монгол Улсын Ерөнхий аудитор А.Зангад, Нийслэлийн аудитын газрын дарга, тэргүүлэх аудитор Ц.Очирбат нар цаашдын ажил хөдөлмөрт нь өндөр амжилт хүсэж, төрийн аудитын байгууллагын ажилтан ямар ёс зүйтэй, ур чадвартай, харилцааны соёлтой, мэргэшсэн байх талаар зөвлөгөө өглөө.

Цаашдаа Төрийн аудитын байгууллагын ажилтны тангараг өргөх ёслолын арга хэмжээ Монгол бахархалын өдөр зохион байгуулагдаж байх нь зүйтэй юм гэж Монгол Улсын Ерөнхий аудитор хэлсэн үгэндээ дурьдлаа.