Дундговь аймаг: Гүйцэтгэлийн аудитын тайланг ҮАГ-т хүргүүллээ
Үндэсний аудитын газрын харьяа Дундговь аймгийн Аудитын газрын 2016 оны үйл ажиллагааны төлөвлөгөөний дагуу “Улс, орон нутгийн төсвийн хөрөнгөөр 2015 онд санхүүжүүлсэн хөрөнгө оруулалтын төсөл, арга хэмжээний хэрэгжилт, үр дүн”-д гүйцэтгэлийн аудит хийлээ.
Хөрөнгө оруулалтын төлөвлөлт, хэрэгжилтэд аудит хийж, дүнг холбогдох байгууллага албан тушаалтанд танилцуулахад аудитын зорилт чиглэгдсэн.
Уг зорилтыг хангахын тулд дараах чиглэлээр аудитыг хийсэн болно. Үүнд:
- Улсын төсвийн хөрөнгө оруулалтын төсөл, арга хэмжээ үр дүнтэй хэрэгжсэн эсэх,
- Орон нутгийн төсвийн хөрөнгө оруулалтын төсөл, арга хэмжээ үр дүнтэй хэрэгжсэн эсэх,
Аудитын явцад нийт 25,911.7 сая төгрөгийн зөрчил илрүүлж, 21,828.9 төгрөгийн хугацаатай албан шаардлага хүргүүлж, 4,082.8 сая төгрөгийн зөвлөмж хүргүүлэн ажиллаа.
Аудитаар зарим барилга байгууламж, тоног төхөөрөмжийг бүртгэл тайланд бүрэн тусгаагүй, хөрөнгө оруулалтын талаарх мэдээллийг шилэн дансны нэгдсэн цахим хуудсанд байрлуулаагүй, хувийн хэрэг хөтлөөгүй зэрэг нийтлэг зөрчлүүд илэрлээ.
Аудитын нотлох зүйлд үндэслэн “Улсын төсвийн хөрөнгө оруулалтын төсөл арга хэмжээ үр дүнтэй хэрэгжсэн боловч зарим ажлын гүйцэтгэл дутуу, бүртгэл тайланд бүрэн тусгаагүй байна” гэж дүгнэлээ.
Аудитаас дараах зөвлөмжүүдийг холбогдох газарт хүргүүллээ.
Аймгийн Засаг даргад:
- Дэрэн, Баянжаргалан сумдын Цагдаагийн кабоны барилгын баримт материалыг Аймгийн архивт шилжүүлэх саналыг ЦЕГ-т уламжилж шийдүүлэх,
- Цаашид гүйцэтгэгчтэй байгуулах гэрээнд ил тод байдлыг хангаж ажиллах, хариуцлагын талаарх заалтыг тусгаж, хэрэгжилтэд хяналт тавьж ажиллахыг аймгийн Засаг даргад зөвлөлөө.
ГХБХБГ-д:
- Үе шатны ажил бүрт зохиогчийн хяналт гүйцэтгүүлэх,
- Ажил бүрт ил далд ажлын актыг гаргуулан авч баталгаажуулж байх,
- Барилгын ажлын явцад зураг төслөөс өөрчлөгдөн гүйцэтгэсэн ажилд гүйцэтгэлийн зураг боловсруулж баталгаажуулж байх
