ТӨРИЙН АУДИТЫН БАЙГУУЛЛАГЫН МЕНЕЖЕРҮҮДЭД АУДИТЫН ЧАДАВХИЙГ БЭХЖҮҮЛЭХ СУРГАЛТЫГ АМЖИЛТТАЙ ЗОХИОН БАЙГУУЛЛАА
Төрийн аудитын байгууллагын менежерүүдэд төрийн аудитын чадавхийг бэхжүүлэх “Аудитын чанарын хяналт” сэдэвт сургалтыг Азийн хөгжлийн банкны төслийн хүрээнд KPMG аудит ХХК болон Үндэсний аудитын газар хамтран 2014 оны 12 сарын 8-9 өдрүүдэд зохион байгууллаа. Тус сургалт нь аудитын тайлангийн чанарын хяналтыг сайжруулах, олон улсын аудитын байгууллагын туршлага судлах, аудитын үр өгөөж, үр дүнг дээшлүүлэхэд чиглэгдлээ. Олон улсын хөгжлийн туслалцааны үйлчилгээ KPMG ази, номхон далайн бүсийн захирал Марк Жерон 25 жил олон улсын аудитын байгууллагад ажилласан туршлагаа төрийн аудитын байгууллагын менежерүүдтэй хуваалцаж, аудитын тайланд чанарын хяналтыг хэрхэн тавих талаар зөвлөгөө өгч сургалтад амжилттай хамрагдсан менежерүүдэд сертификат гардууллаа.
Мөн Үндэсний аудитын газрын дотоод үйл ажиллагааг аудитын менежерүүдтэй зөвлөлдөж, асуудлын шийдэл, цаашдын зорилтын талаар ярилцлаа.Сургалтын төгсгөлд Төрийн аудитын орон нутгийн байгууллагад олон жил идэвхи зүтгэл, үр бүтээлтэй ажиллаж төрийн хяналтын тогтолцоог хөгжүүлэн, бэхжүүлэхэд үнэтэй хувь нэмэр оруулсан менежерүүдийг “Төрийн хяналтын тэргүүний ажилтан” цол тэмдэг, Үндэсний аудитын газрын “Хүндэт жуух бичиг”-ээр шагнаж урамшуулах ажлыг зохион байгууллаа.
