МОНГОЛ УЛСЫН ЕРӨНХИЙ АУДИТОР А.ЗАНГАД “ШИЛЭН ДАНС БА ТӨРИЙН АУДИТ” СЭДЭВТ ИЛТГЭЛ ТАВИЛАА
Монгол Улсын Ерөнхийлөгчийн санаачлан батлуулсан Шилэн дансны тухай хуулийн хэрэгжилтийг хангуулах бэлтгэл ажлын хүрээнд Ерөнхийлөгчийн Тамгын газраас Шилэн дансны тухай хуулиар 2014 оны 12 сарын 18-ны өдөр Төрийн ордны Их танхимд зөвлөгөөн зохион байгууллаа. Шилэн дансны тухай хуулийн хэрэгжилтийг хангахад Төрийн аудитын байгууллага хөндлөнгийн хяналт тавихаар тус хуулинд чиг үүрэг нь тусгагдсан.
Энэ хүрээнд Монгол Улсын Ерөнхий аудитор А.Зангад Төрийн аудитын байгууллагад хуулиар хүлээлгэсэн чиг үүргийн хэрэгжилтийг хангахад хэрхэн бэлтгэж байгаа, Шилэн дансны хуулийг Төрийн аудитын зүгээс хэрхэн ойлгож байгаа, хуулийн хэрэгжилтийг хангахад төрийн аудитад тулгарч байгаа асуудлыг тусган илтгэл тавилаа. Төрийн аудитын байгууллага тус хуулийг хэрэгжүүлэх бэлтгэл ажлын хүрээнд тусгайлан хөтөлбөр боловсруулж, түүний дагуу байгууллагын цахим хуудсанд шилэн дансны тусгайлан цонх нээж хуулийн хугацаатай мэдээллийг бэлтгэл ажлыг хангаад байна.
