УИХ-ЫН 2016 ОНЫ ЭЭЛЖИТ СОНГУУЛЬД ОРОЛЦОХ НАМ, ЭВСЭЛ, БИЕ ДААН НЭР ДЭВШИГЧДИЙН МӨРИЙН ХӨТӨЛБӨРТ АУДИТ ХИЙЖ, ДҮГНЭЛТИЙГ СОНГУУЛИЙН ЕРӨНХИЙ ХОРООНД ХҮРГҮҮЛЭХЭЭР АЖИЛЛАЖ БАЙНА
17:36 05 сарын 02 өдөр 2016 он
Үндэсний аудитын газар Төрийн аудитын тухай хуулийн 15 дугаар зүйлийн 15.1.17-г үндэслэн Сонгуулийн тухай хуульд заасан хугацааг дуустал улс төрийн нам, эвсэл, бие даагчдын мөрийн хөтөлбөрт аудит хийж байна.
Тус аудитаар Улс төрийн нам, эвсэл, бие даагчийн сонгуулийн мөрийн хөтөлбөрт туссан зорилт, арга хэмжээ нь Хөгжлийн бодлого төлөвлөлтийн тухай хууль, Төсвийн тогтвортой байдлын тухай хуульд, нийцсэн эсэх болон санхүүгийн эх үүсвэрийн талаарх эдийн засгийн тооцоо, судалгаанд дүгнэлт гаргаж, хуульд заасан хугацаанд Сонгуулийн ерөнхий хороонд хүргүүлэхээр ажиллаж байна.
