Дундговь аймаг: 2015 оны орон нутгийн хөгжлийн сангийн хөрөнгийн зарцуулалтад хийсэн аудитын тайлан

Орон нутгийн хөгжлийн сангийн 2015 оны төлөвлөлт, хуваарилалт, бүрдүүлэлт, зарцуулалт хууль, тогтоомжид нийцсэн эсэхэд аудит хийж,  дүгнэлт өгч, илэрсэн зөрчлийг арилгуулах, эрсдэлийг бууруулах талаар санал, зөвлөмж боловсруулан холбогдох байгууллага, албан тушаалтанд танилцуулах, үр дүнг олон нийтэд мэдээлэхэд аудитын зорилт чиглэгдэв.

Аудитад аймгийн ИТХ, Засаг даргын Тамгын газрын СТСХ, ХБХ, 15 сум, багийн Засаг дарга, ИНХ-ын материалыг хамруулж, 2015 онд орон нутгийн хөгжлийн санд улсын төсвөөс хуваарилж олгосон шилжүүлэг болон бусад эх үүсвэрээр бүрдүүлсэн хөрөнгийг хэрхэн зарцуулсан талаарх ажлын тайлан, анхан шатны болон НББ-ийн журнал бусад холбогдох материал, эрх зүйн актуудад тулгуурлан аудитыг гүйцэтгэлээ.

Аудитаар нийт 2,533.3 сая төгрөгийн зөрчил илрүүлж, 4.0 сая төгрөгийн төлбөрийн акт тогтоож, 2,529.3 сая òºãðºãèéí зөрчлийг арилгуулахаар хугацаатай албан шаардлага хүргүүллээ. Үүнээс  1,777.6 сая төгрөгийн зөрчил буюу 70.2 хувийг нь  аудитын явцад залруулсан.

Аудитын явцад цуглуулсан нотлох зүйл, аудитын дүнд үндэслэн “ОНХС-гийн хөрөнгөөр хийгдсэн ажил нь шаардлагатай хөрөнгө оруулалтыг шийдэж өгч байгаа боловч хөрөнгийн зарцуулалт, ажлын гүйцэтгэл тавих хяналт хангалтгүй хэвээр байна.” гэсэн дүгнэлтийг өглөө.

Аудитаас дараах зөвлөмжүүдийг Аймгийн Засаг дарга, Засаг даргын Тамгын газарт хүргүүллээ. Үүнд:

1. Орон нутгийн хөгжлийн сангийн орлогыг хууль, журамд заасан нэр төрлөөр нь бодитой төлөвлөж, татварын хувь хэмжээг нэмэгдүүлсэн орлого, зарлагын бодит хэмнэлт, дотоод, гадаадын хандив, тусламжаас авах орлогыг тооцоож, сангийн орлого нэмэгдүүлэхэд санаачлагатай ажиллах
2. ОНХС-ийн хөрөнгийн төлөвлөлт, зарцуулалттай холбоотой хууль, дүрэм журмыг мөрдөж ажиллах, хууль журмаар зөвшөөрөгдөөгүй төсөл арга хэмжээг төлөвлөж санхүүжүүлэхгүй байх.
3. Төсвийн тухай хууль, ОНХС-ийн зарцуулалттай холбоотой заавар журмыг иргэдэд таниулах, төсөв төлөвлөх, бүрдүүлэх хуваарилах тайлагнах, хянах үйл ажиллагаанд олон нийтийн оролцоог хангах чиглэлээр иргэдэд тасралтгүй мэдээлэл хүргэх ажлыг эрчимжүүлэх,
4. Сангийн хөрөнгөөр бэлтгэсэн хөрөнгийн ашиглалт, хамгаалалтыг сайжруулах, хөрөнгийг зориулалтаар нь ашиглаж байгаа эсэхийг хянаж, үр дүнг тооцож ажиллах,
5. ОНХС-ийн хөрөнгийн зарцуулалт, ил тод байдалд аймгийн Засаг даргаас тавих дотоод хяналт, шалгалтыг сайжруулж төрийн аудитын байгууллагаас өгсөн акт, албан шаардлага, зөвлөмжийг хэрэгжүүлэх.
6. Өмнөх жилүүдэд гарсан зөрчил давтагдан гарч байгаад дүгнэлт хийж ажиллах, зөрчлийг дахин давтан гаргахгүй байх

Тайлангийн дэлгэрэнгүйг энд дарж үзнэ үү