Дундговь аймаг: Шилэн дансны хуулийн хэрэгжилтэд хийсэн аудитын тайлан

Үндэсний аудитын газрын харьяа Дундговь аймгийн Аудитын газрын 2016 оны үйл ажиллагааны төлөвлөгөөний дагуу “Шилэн дансны хуулийн хэрэгжилт”-д нийцлийн аудит хийлээ.

Шилэн дансны хуулийн хэрэгжилтэд аудит хийж, дүнг холбогдох байгууллага албан тушаалтанд танилцуулахад аудитын зорилт чиглэгдсэн.

Уг зорилтыг хангахын тулд дараах чиглэлээр аудитыг хийсэн болно. Үүнд:

• Шилэн дансны тухай хуулийн 3 дугаар зүйлийн 3.1.1, 3.1.2, 3.1.3-т заасан байгууллагууд бүрэн хамрагдаж байгаа эсэх,
• Хуулийн 3 дугаар зүйлийн 3.1.1, 3.1.2, 3.1.3-т заасан байгууллагууд 6 дугаар зүйлд заасан мэдээллийг мэдээлж байгаа эсэх,
• Хуулийн 8 дугаар зүйлийн 8.2-т заасан этгээд хяналтыг хэрэгжүүлж байгаа эсэх,

Аудитын явцад нийт 367.9 сая төгрөгийн зөрчил илрүүлж, хугацаатай албан шаардлага хүргүүлэн, холбогдох албан тушаалтанд зохих зөвлөмжийг өгч ажиллаа.

Аудитын нотлох баримтад тулгуурлан дараах дүгнэлтийг өгч байна.

1. Шилэн дансны тухай хуулийн 3 дугаар зүйлийн 3.1.1-т заасан байгууллагууд бүрэн хамрагдаж, хуулийг хэрэгжүүлж байна.
2. Шилэн дансны нэгдсэн цахим хуудсанд төрийн өмчит үйлдвэрийн газрын салбар байгууллагууд төв компанидаа нэгтгэгдэж мэдээлдэг байна.
3. Шилэн дансны тухай хуулийн 7.1-т заасан зарим албан тушаалтан мэдээллийг иргэн олон нийтэд хүргэх үүргээ бүрэн хэрэгжүүлэхгүй байна
4. Аймаг, сумдын ИТХ, иргэдийн Нийтийн Хурал, Санхүүгийн хяналт, дотоод аудитын алба хуулинд заасан хяналтын үүргээ хэрэгжүүлээгүй байна.

Аудитаас дараах зөвлөмжүүдийг холбогдох газарт хүргүүллээ.

Аймгийн Засаг даргад:

Аймаг сумдын Засаг дарга нарт

• Шилэн дансны нэгдсэн сайтад бүртгэгдээгүй ОНӨҮГ-уудыг бүрэн бүртгэж, тухайн байгууллагын удирдлага болон санхүүгийн ажилтануудад шилэн дансны тухай хуулийг судлуулах, мэдлэг дээшлүүлэх сургалтанд хамруулах,
• Шилэн дансны тухай хуулийн 8.2-т заасны дагуу хяналтыг хэрэгжүүлж ажиллах

Аймаг сумдын иргэдийн Төлөөлөгчдийн хуралд

• Аймаг сумын ИТХурал, иргэдийн Нийтийн Хурал хуулинд заасан хяналтыг бүрэн хэрэгжүүлэхэд анхаарч ажиллах,

Тайлангийн дэлгэрэнгүйг энд дарж үзнэ үү