Булган, Говь-Алтай, Дархан Уул аймгийн аудитын газрын онлайн видео тайлангийн хурал амжилттай зохион байгуулагдлаа.

Булган, Говь-Алтай, Дархан-Уул аймгийн аудитын газруудын 2014 оны үйл ажиллагааны тайлангийн хурлыг онлайн видео  хэлбэрээр   2015 оны 1 дүгээр сарын 19, 21, 23-ны өдрүүдэд амжилттай зохион байгууллаа.

Хуралд Монгол улсын ерөнхий аудитор А.Зангад тэргүүтэй ҮАГ-ын удирдлагууд оролцож, дээрх аймгуудын 2014 оны аудитын үйл ажиллагааны тайланг сонсон хэлэлцэв.

Монгол улсын Ерөнхий аудитор А.Зангад аймгийн аудитын газруудад сүлжээний дэд бүтэц ашиглах, аймаг, нийслэлийн аудитын газрууд баримт, албан бичиг, тайлан, төлөвлөгөөг цахим хэлбэрээр солилцох, дотоод ажлыг онлайн хэлбэрээр зохион байгуулж хэвших, төсөв хэмнэх, шилэн дансны хуулийн хэрэгжилтийг хангах, зэрэг асуудалд онцгой анхаарч ажиллахыг анхааруулж, чиглэл зөвлөмж өгөв.

Цаашид мэдээллийн технологи ашиглан байнгын тасралтгүй сургалтыг аудитын арга зүй, СТАУС программ, мэдээллийн технологийн гэх мэт олон чиглэлээр тогтмол явуулах, мөн байнгын онлайн зөвлөх, мэдээлэх, зааварчлах үйл ажиллагааг явуулах талаар  мэдээлэл хийлээ.