Дундговь аймаг: ТЕЗ-ийн 2015 оны санхүүгийн нэгтгэсэн тайланд хийсэн аудитын тайлан

Дундговь аймгийн ТЕЗ-ийн 2015 оны 12 дугаар сарын 31-ний өдрөөр дуусвар болсон жилийн эцсийн санхүүгийн нэгтгэсэн тайланд аудит хийж “Зөрчилгүй” дүгнэлт өглөө.

Санхүүгийн нэгтгэсэн тайланд нийт 234 санхүүгийн тайлан нэгтгэгдсэн байна. Үүнд:

         Орон нутгийн төсвийн 54 байгууллага,

         Тусгай зориулалтын шилжүүлгийн 78 байгууллага,

         Орон нутгийн өмчит үйлдвэрийн 19 газар,

         Төсөл сангийн 82 тайлан,

         Орон нутгийн ерөнхий орлогын 1 тайлан.

ТЕЗ-ийн санхүүгийн тайланд нэгтгэгдсэн тайлангуудаас 16 байгууллагын санхүүгийн тайланг түүвэрлэн шалгаж, 11 байгууллагын санхүүгийн тайланд итгэл үзүүлэн, сумдын санхүүгийн нэгтгэсэн 11 тайланд зөрчилгүй, 4 тайланд хязгаарлалттай, төсвийн шууд захирагчдын 55 тайланд зөрчилгүй, 23 тайланд хязгаарлалттай, 3 тайланд сөрөг санал дүгнэлт өглөө.

Дундговь аймгийн ТЕЗ-ийн 2015 оны жилийн эцсийн санхүүгийн нэгтгэсэн тайланд алдаа зөрчил илрээгүй боловч нэгтгэгдсэн тайлангуудад дараах зөрчил илэрлээ. Үүнд:

1. Дэрэн сумын “Эрдэм шинжилгээ туршилт үйлчилгээ” ОНӨҮГ нь санхүүгийн тайлангаа төсвийн тухай хуульд заасан хугацаанд Аудитын газарт ирүүлээгүй, санхүүгийн тайланг стандартын дагуу бэлтгээгүй, аудитын дүгнэлтэд нөлөөлөхүйц аудитын нотлох зүйл олж авах боломжгүй, тайланд үзүүлэх нөлөөлөл ихээхэн материаллаг ба бүрэн тархсан тул дүгнэлт өгөхөөс татгалзсан.
2. “Дундговь телевиз” ОНӨҮГ нь 2015 онд санхүүгийн үйл ажиллагаа явуулаагүй, санхүүгийн тайлан гаргаагүй гэсэн албан бичгийг ирүүлсэн боловч санхүүгийн тайлан гаргаж нэгтгүүлсэн.
3. Цагаандэлгэр сумын Эм эргэлтийн сангийн удирдлага санхүүгийн тайлан холбогдох баримт материалыг ирүүлээгүйгээс аудитад хамрагдаагүй.
4. Санхүүгийн тайлангийн аудитаар нийт 2,873.4 сая төгрөгийн алдаа, зөрчил илрүүлснээс хууль журам зөрчсөн 1,977.8 сая төгрөгийн алдааг залруулах боломжгүй байна. Үүнээс 9.1 сая төгрөгийг нөхөн төлүүлэх төлбөрийн акт тогтоож, 1,791.0 сая төгрөгийн зөрчилд албан шаардлага, 177.7 сая төгрөгийн алдаа зөрчлийг цаашид давтан гаргахгүй ажиллах талаар зөвлөмж өглөө. Материаллаг бус 895.6 сая төгрөгийн алдаа илэрснээс 888.1 сая төгрөгийн алдааг аудитын явцад залруулга хийлгэж, 7.5 сая төгрөгийн алдааг залруулах боломжгүй байна.

Аудитаар илэрсэн зөрчил дутагдлын талаар бэлтгэсэн Менежментийн захидлыг аймгийн Засаг даргад хүргүүлсэн бөгөөд хариуг 2016 оны 04 дүгээр сарын 20-ны өдрийн 1/460 дугаар албан бичгээр ирүүлсэн байна.

Тайланг энд дарж үзнэ үү