Монгол Улсын Ерөнхий аудитор А.Зангад аудитын дээд байгууллагуудын азийн байгууллагуудын 13-р чуулга уулзалтад оролцож байна

Аудитын дээд байгууллагуудын Азийн байгууллага /АСОСАИ/-нь 1979 онд 11 гишүүн орны бүрэлдэхүүнтэй байгуулагдаж байсан бөгөөд одоо нийт 46 орон гишүүнээр элсэж үйл ажиллагаагаа явуулж байна. Монгол Улсын Үндэсний аудитын газар тус байгууллагын гишүүнээр 1996 онд элсэж хамтран ажиллаж байна. Малайз улсын Куала Лампур хотноо 2015 оны 02 дугаар сарын 10-13 өдрүүдэд АСОСАИ-н 13-р чуулга уулзалт, 6-р зөвлөгөөн зохион байгуулагдаж байна. Тус чуулга уулзалт нь “Технологийн дэвшлээр аудитын чанар, үр ашгийг бэхжүүлэх”нь сэдвээр зохион байгуулагдаж байна мөн АСОСАИ-н 2015-2018 онуудад ажиллах Удирдах зөвлөлийн гишүүнийг сонгох сонгуулийн үйл ажиллагаа явагдах болно. Монгол Улсын Үндэсний аудитын газар АСОСАИ-н Удирдах зөвлөлийн гишүүний сонгуульд нэрээ дэвшүүлж байгаа бөгөөд зарим орны аудитын дээд байгууллагууд манай байгууллагыг дэмжихээ илэрхийлсэн. АСОСАИ-н 13-р чуулга уулзалтад Монгол Улсын Ерөнхий аудитор А.Зангад, Нийслэлийн аудитын газрын дарга, тэргүүлэх аудитор Ц.Очирбат, ҮАГ-ын Тамгын газрын менежер Л.Нүрзэд нар оролцож байна.