ҮАГ-ЫН 2016 ОНЫ БҮТЭЭГДЭХҮҮН АЖИЛ, ҮЙЛЧИЛГЭЭНИЙ ТӨЛӨВЛӨГӨӨНИЙ ДАГУУ ХИЙХ ГҮЙЦЭТГЭЛИЙН АУДИТЫН ЯВЦ

Улсын Их Хурлын Төсвийн Байнгын хорооны 2016 оны 01 дүгээр тогтоол, Монгол Улсын Ерөнхий аудиторын 2016 оны А/5 дугаар тушаалын дагуу хийгдэж байгаа гүйцэтгэлийн аудитын явц:

1. “Монгол Улсын эдийн засаг, нийгмийг 2015 онд хөгжүүлэх үндсэн чиглэлийн хэрэгжилт, үр дүн”-д хийсэн аудитын тайланг Монгол Улсын Ерөнхий аудиторын 2016 оны 24 дүгээр тушаалаар баталгаажуулан, Монгол Улсын Их Хурлын ТБХ, АБГББХ, ТББХ, ЭЗБХ-ны хуралдаанд хэлэлцүүлэн, УИХ-ын нэгдсэн чуулганд оруулах гэж байна.
2. “Улсын төсвөөс эргэн төлөгдөх нөхцөлөөр олгосон хөрөнгийн зарцуулалт, эргэн төлөлт, үр дүн”-д хийсэн аудитын салбар тайлангууд /ЖДҮДС, СТС, ХЭДС, МХС, ИЗЭТ, ТЭДС/ бичигдэж, нэгдсэн тайлангийн төслийг бэлтгэж байна.
3. “Төрийн өмчит их, дээд сургуулиудын 2013-2015 оны үйл ажиллагааны үр дүн“-д хийсэн аудитын тайлангийн төслийг БСШУЯ-нд танилцуулж, холбогдох саналыг авч аудитын зөвлөлийн хуралд оруулахад бэлэн болгосон.
4. “Эрчим хүч, харилцаа холбооны тусгай зөвшөөрөл олгох үйл ажиллагааны үр дүн”-д хийсэн аудитын тайлангийн төслийг холбогдох хороодын удирдлагуудад танилцуулан төгсөлтийн уулзалтыг зохион байгуулж, санал авах шатандаа байна.
5. “Улсын нөөцийн бүрдүүлэлт, хуваарилалт, зарцуулалт, үр дүн”-д нэгдсэн удирдамжаар хийж байгаа аудитыг 2016 оны 4 дүгээр сарын 2-ны өдөр ОБЕГ-т нээж, талбарын ажил 60%-ийн гүйцэтгэлтэй байна. Мөн орон нутгийн аудитын газруудтай аудитын талаар онлайн хэлэлцүүлэг, ярилцлага зохион байгуулж, ирүүлсэн судалгааг нэгтгэж байна.
6. “Улс, орон нутгийн төсвийн хөрөнгөөр 2015 онд санхүүжүүлсэн хөрөнгө оруулалтын төсөл, арга хэмжээний хэрэгжилт, үр дүн”-д хийж байгаа аудитын хүрээнд 19 ТЕЗ дээр талбарын ажил дуусч, салбар тайлангуудын төслийг бичин цахим системд шивж байна. Мөн орон нутгийн аудитын газруудаас ирүүлсэн аудитын тайлан, судалгааг нэгтгэж байна.
7. “Монгол Улсын 2015 оны нэгдсэн төсвийн гүйцэтгэл”-ийн аудитын төлөвлөгөөг батлуулж, 2016 оны 5 дугаар сарын 9-ний өдөр Сангийн яамны Төрийн нарийн бичгийн даргад аудитын төлөвлөгөө, хөтөлбөрийг танилцуулж, талбарын ажлыг эхлүүллээ.