ХЭНТИЙ АЙМГИЙН АУДИТЫН ГАЗАР- ОНХС-ийн зарцуулалтад хийсэн нийцлийн аудитын танилцуулга
Хэнтий аймгийн ОНХС-гийн 2015 оны орлогыг 8036,0 сая.төгрөгөөр анх батлагдсан боловч 2 удаа тодотгож эцсийн байдлаар ОНХС-нг 5485,5 сая төгрөгөөр батлаж, 3018,3 сая.төг-ийг сумдад, 2467,6 сая.төг-ийг аймгийн ОНХС-нд хувиарласан байна.
Сумдын ОНХС-нд нэмэгдсэн эх үүсвэрийг оруулбал Хэнтий аймгийн ОНХС-ийн 2015 оны эх үүсвэрт 5003,1 сая.₮ бүрдсэний 4094,8 сая.₮ нь ОНХНС-аас шилжүүлсэн орлогын шилжүүлэг, 155.1 сая.₮ нь ОН-ын төсвийн орлогоос, 384.7 сая.₮ нь ОНХС-ийн 2015 оны эхний үлдэгдэлээс, 74,6 сая.₮ нь зураг төсвийн буцааж төвлөрүүлсэн хөрөнгөнөөс, 293,9 сая.₮ нь сумдын ОНХСанд төвлөрүүлсэн орлого байна.
Хэнтий аймгийн “Орон нутгийн хөгжлийн сан”-д 2015 онд нийт 5003,1 сая.₮ төвлөрүүлэн, 298 хөтөлбөр, төсөл, арга хэмжээнд 4820,9 сая.₮-ийн санхүүжилт олгон аймгийн ОНХС-д 41,4 сая.₮ үлдсэн байна.
2015 онд батлагдсан нийт 336 төсөл арга хэмжээний 283 ТАХ бүрэн хэрэгжсэн бол, 15 ТАХ-ний хэрэгжилт дутуу, 38 ТАХ огт хэрэгжээгүй байна. Үүнд санхүүжилт, орлого дутагдсан нь нөлөөлжээ.
Хэрэгжсэн нийт төсөл арга хэмээнээс 1684,7 сая.төг-ийн 11 ТАХ-г нээлттэй тендер шалгаруулалтаар, 1109,1 сая.төг-ийн 38 ТАХ-г харьцуулалтын аргаар зарлаж, 2363,6 сая.төг-ийн 249 ТАХ-г шууд гэрээ байгуулан хэрэгжүүлсэн байна.
2015 онд ОНХС-гийн санхүүжилтээр хэрэгжүүлсэн нийт ТАХ-ээс 5 хөтөлбөр, төсөл, арга хэмжээний зардлыг зориулалт бусаар зарцуулсан, 12 ТАХ нь иргэдийн саналыг авалгүй батлагдсан, 6 ТАХ бусад хууль, заавар зөрчсөн зөрчил илэрсэн.
2016 онд ОНХСанд хийгдсэн аудитаар нийт 121,4 сая төгрөгийн алдаа, зөрчил илэрсэн ба Дадал, Норовлин, Батноров, Баянхутаг, Мөрөн, Дархан, Бор-Өндөр сумд, Өлзийт, Гурванбаян тосгоны ИТХ, Засаг дарга, Санхүүгийн албаны дарга нарт зөрчил арилгах албан шаардлага хүргүүллээ.
