ХVII ЖАРНЫ МОДОН ХОНЬ ЖИЛИЙН САР ШИНИЙН БАЯРЫГ ТОХИОЛДУУЛАН ТӨРИЙН АУДИТЫН БАЙГУУЛЛАГА АХМАД НАСТНУУДАА ХҮЛЭЭН АВЧ, ХҮНДЭТГЭЛ ҮЗҮҮЛЛЭЭ

Монголчуудын уламжлалт сар шинийн баярыг тохиолдуулан Төрийн аудитын байгууллага  он удаан жил ажиллаж хөдөлмөрлөсөн нийт ахмад буурлуудаа хүлээн авч, хүндэтгэл үзүүллээ. Тус үйл ажиллагаан дээр Монгол Улсын Ерөнхий Аудитор А.Зангад байгууллагын үйл ажиллагаа, өнгөрсөн жилийн ажил үйлсээ ахмадууддаа танилцуулан, азай буурлуудынхаа үнэтэй сургаалыг сонсон дуутай хууртай  ёслол төгөлдөр зохион байгуулагдлаа.

Тус ёслолд морилон ирсэн ахмадууд биенээ харж сэтгэл догдлон хөөрөлдөж, дурсамж хүүрнэн нэгэн өдрийг сайхан өнгөрүүллээ.ҮАГ-ын Удирдлага, хамт олны зүгээс нийт ахмадууддаа гарын бэлэг, Тэгш ой тохиож буй буурлууддаа бэлэг өгч, хүндэтгэлийн үйл ажиллагаа өндөрлөлөө.

Ажил хөдөлмөр, амжилт бүтээлээ эх орондоо зориулсан ахмадууддаа  айлчлан ирж буй ХVII жарны модон хонь жилийн сар шинийн мэндийг хүргэн, урт насалж удаан жаргахын өлзийтэй ерөөлийг өргөн дэвшүүлье.