Хэнтий аймаг- Төсвийн гүйцэтгэлийн аудитын талаарх танилцуулга
Хэнтий аймгийн 2015 оны нэгдсэн төсвийн орлого 660,0 сая төгрөгөөр давж, зарлага 2309,5 сая төгрөгөөр арвилан хэмнэгдэн, мөнгөн хөрөнгийн оны эцсийн үлдэгдэл 308.2 сая төгрөгөөр нэмэгдсэн байна.
Аймгийн Аудитын газар Хэнтий аймгийн 2015 оны орон нутгийн нэгдсэн төсвийн гүйцэтгэлд хийсэн аудитын тайланг аймгийн ИТХ-д танилцуулж, бүрэн эхээр нь audit.mn сайтад байршууллаа.
Аймгийн ИТХ-ын 2014 оны 12 дугаар сарын 03-ны хуралдаанаар Хэнтий аймгийн 2015 оны төсвийн орлого, зарлагын төлөвлөгөө 55083.3 сая төгрөгөөр батлагджээ.
УИХ 2015 оны 1 дүгээр сарын 23, 2015 оны 10 дугаар сарын 30-ны өдөр “Монгол улсын 2015 оны төсвийн тухай хуульд өөрчлөлт оруулах тухай” хуулийг тус тус баталсны дагуу аймгийн ИТХ 2015 оны 2 дугаар сарын 09-нд 1278.5 сая төгрөгөөр, 2015 оны 12 дугаар сарын 03-нд 466.9 сая төгрөгөөр бууруулан тодотгож, Хэнтий аймгийн 2015 оны төсвийн орлого, зарлагыг 53337.9 сая төгрөгөөр баталсан нь нь “Төсвийн тухай” хуулийн 34.2.1- дэхь “Дээд шатны төсөвт тодотгол хийсний улмаас тухайн шатны төсөвт тодотгол хийх зайлшгүй шаардлага бий болсон” заалттай нийцсэн байна.
Монгол улсын “Засаг захиргаа, нутаг дэвсгэрийн нэгж, түүний удирдлагын тухай” хуулийн 18.1.2-т заалтыг үндэслэн сумын ИТХ-ууд орон нутгийн зарим татвар хураамжийн орлогыг 1961.5 сая төгрөгөөр нэмэгдүүлснээр аймгийн 2015 оны нэгдсэн төсөв 55299.4 сая төгрөгт хүрсэн байна.
Нэг: Хэнтий аймгийн 2015 оны нэгдсэн төсвийн орлогын гүйцэтгэл/ сая төгрөг /
| № | Орлогын төрөл | 2015 оны төсвийн орлогын | 2014 онтой харьцуулбал | |||
| төлөвлөгөө | биелэлт | зөрүү | өмнөх оны гүйцэтгэл | Зөрүү | ||
| 1 | Татварын орлого | 8176.7 | 8676.6 | 499.9 | 7331.5 | 1345.1 |
| 2 | Татварын буцаан олголт | -635.0 | -635.0 | 0 | -505.3 | -129.7 |
| 3 | Татварын бус орлого | 776.3 | 913.4 | 137.1 | 936.8 | -23.4 |
| 4 | Хөрөнгө худалдсаны орлого | 100.0 | 123.0 | 23.0 | 204.8 | -81.8 |
| 5 | ТУСЛАМЖИЙН ОРЛОГО: | 46881.4 | 45411.9 | -1469.5 | 50287.7 | -4875.8 |
| 5.1 ОНХСангийн орлогын шилжүүлэг | 4946.1 | 4094.8 | -851.3 | 8445.6 | -4350.8 | |
| 5.2 Санхүүгийн дэмжлэг | 10402.5 | 10402.5 | 0.0 | 9610.6 | 791.9 | |
| 5.3 Тусгай зориулалтын шилжүүлэг | 30369.9 | 29793.4 | -576.5 | 30168.5 | -375.1 | |
| 5.4 Хандивын орлого | 161.1 | 188.2 | 27.1 | 383.5 | -195.3 | |
| 5.5 ТЗШ-ийн өөрийн орлого | 102.1 | 92.2 | -9.9 | 170.2 | -78.0 | |
| 5.6 Урьд оны үлдэгдлээс | 899.7 | 840.8 | -58.9 | 1509.3 | -668.5 | |
| НИЙТ ОРЛОГО БА ТУСЛАМЖИЙН ОРЛОГО | 55299.4 | 54489.9 | -809.5 | 58255.5 | -3765.6 | |
Аймаг, сумдын орон нутгийн төсөвт 8418.0 сая төгрөгийн орлого төвлөрүүлэхээс 9078.0 сая төгрөгийн орлого төвлөрч, 107.8 хувиар буюу 660.0 сая төгрөгөөр давж биелсэн байна.
Аймаг, сумдын орон нутгийн төсөвт хувь хүний орлогын албан татварын орлогоос 5854.1 сая төгрөг төвлөрч, “Хувь хүний орлогын албан татварын тухай” хуулийн дагуу татварын буцаан олголтоор 635.0 сая төгрөгийг 1451 иргэнд олгожээ.
Хоёр: Хэнтий аймгийн 2015 оны нэгдсэн төсвийн зарлагын гүйцэтгэл /сая төгрөгөөр
| Зардлын төрөл | 2015 оны гүйцэтгэл | 2014 онтой харьцуулбал | ||||
| Төлөвлөгөө | Гүйцэтгэл | зөрүү | Өмнөх оны гүйцэтгэл | Зөрүү | ||
| 1 | Нийгмийн халамжийн зардал | 6698.1 | 6618.0 | -80.1 | 6311.1 | 387.0 |
| 2 | Цалин хөлс нэмэгдэл урамшууллын зардал | 26559.0 | 26256.8 | -302.2 | 24510.3 | 2048.7 |
| 3 | Бараа үйлчилгээний тогтмол зардал | 3433.6 | 2843.9 | -589.7 | 3178.1 | 255.5 |
| 4 | Бараа үйлчилгээний бусад зардал | 11687.7 | 11435 | -252.7 | 12536.5 | -848.8 |
| 5 | Хөрөнгийн зардал | 6920.9 | 5839.7 | -1081.2 | 11719.6 | -4798.7 |
| Нийт зардал | 55299.3 | 52993.4 | -2305.9 | 58255.6 | -2956.3 | |
Хэнтий аймгийн 2015 онд нэгдсэн төсвөөс 52993.4 сая төгрөг зарцуулсныг төлөвлөлттэй харьцуулбал 2305.9 сая төгрөгөөр хэмнэжээ.
Хэнтий аймгийн 2015 оны нэгдсэн төсвийн нийт зарлагын 43.6 хувийг орон нутгийн төсвийн орлогоос, 46.8 хувийг БСШУСайдын, 8.9 хувийг Эрүүл мэндийн сайдын багцаас санхүүжүүлсэн байна.
Аймгийн 2015 оны нэгдсэн төсвийн гүйцэтгэлээр мөнгөн хөрөнгийн оны эхний үлдэгдэл 29.9 сая төгрөг, зардлыг санхүүжүүлэх эх үүсвэр 53302.5 сая төгрөг, зардал 52993.4 сая төгрөг, мөнгөн хөрөнгийн оны эцсийн үлдэгдэл 338.1 сая төгрөг байна.
Төсвийн гүйцэтгэлийн тайлангийн цэвэр мөнгөн хөрөнгийн өөрчлөлт буюу үр дүн 309.1 сая төгрөг байна.
“Хэнтий аймгийн 2015 оны нэгдсэн төсвийн гүйцэтгэл”-д хийсэн аудитаар 100.3 сая төгрөгийн зөрчил илрүүлж, холбогдох албан тушаалтанд 3 зөвлөмж, хариуцлага тооцуулах 2 санал хүргүүллээ.
Аймгийн Аудитын газар
