Архангай – Хэлэлцүүлэг зохион байгууллаа.
ҮАГ-ын харъяа Архангай аймгийн аудитын газраас хэлэлцүүлэг зохион байгуулж нийт төсөв захирагч, нягтлан бодогч нарт хандан Уриалга гаргалаа
Үндэсний Аудитын газрын харъяа Архангай аймгийн Аудитын газраас 2 шатны хэлэлцүүлгийг амжилттай зохион байгууллаа. Энэхүү хэлэлцүүлгийн эхний шат нь байгууллагын 2016 оны үйл ажиллагааны төлөвлөгөөний дагуу гүйцэтгэсэн Санхүү, гүйцэтгэл, нийцлийн аудитын дүн, дүгнэлт, аудитыг хэрэгжүүлсэн арга зүй, аудитын хүндрэл бэрхшээл, ололттой болон дутагдалтай байдал, цаашид анхаарах асуудлын талаар аудитор шинжээчид харилцан ярилцаж санал солилцлоо.
Харин дараагийн шатанд дээрхи хийгдсэн аудитын дүнд үндэслэн “Нягтлан бодогчдийн мэргэжлийн ур чадвар, аудитын дүнд нөлөөлөх нь” сэдэвт хэлэлцүүлгийг аймгийнхаа Мэргэшсэн нягтлан бодогч нарын дунд зохион байгууллаа.
Хэлэлцүүлгээр аудитаар илэрч байгаа зөрчлийг багасгах арга замын талаар харилцан санал солилцож, улмаар аймгийн бүх шатны төсөв захирагч, нягтлан бодогч нарт хандан Монгол Улсын Үндсэн хуулиар тогтоосон шударга ёсны зарчим болон Төрийн албаны тухай хуульд заасан “Хууль дээдлэх зарчим”-ыг үйл ажиллагаандаа мөрдлөг болгож, мэргэжлийн ёс зүйг чандлан сахих, мэргэжлийнхээ нэр хүндийг эрхэмлэн дээдэлж, эзэмшсэн мэргэжлийн ур чадвараа байнга дээшлүүлэн, байгууллагын удирдлагыг үнэн зөв, цаг үеэ олсон мэдээллээр хангаж ажиллахад өөрийн байр сууринаас хариуцлагатай хандах Уриалгыг гаргалаа.
