2016 ОНЫ СОНГУУЛЬД ОРОЛЦОЖ БАЙГАА НАМ ЭВСЭЛ, НЭР ДЭВШИГЧИД СОНГУУЛИЙН ЗАРДЛЫН ДАНСАА БҮРТГҮҮЛСЭН ТУХАЙ МЭДЭЭЛЭЛ
Сонгуулийн тухай хуульд УИХ-ын ээлжит сонгуульд оролцож байгаа нам , эвсэл, бие даан дэвшигчид сонгуулийн зардлын дансны дугаар, банкны нэрийг Төрийн аудитын байгууллагад мэдэгдэж, бүртгүүлэхээр хуульчилсан юм.
Мөн Сонгуулийн тухай хуулийн 47.4-т заасны дагуу УИХ-ын сонгуульд нэр дэвшигч нь сонгуулийн зардлын данс нээлгэсэн өдрөөс хойш тав хоногийн дотор дансны дугаар, банкны нэрийг Төрийн аудитын байгууллагад мэдэгдэж, бүртгүүлэхдээ хүсэлт, банктай байгуулсан гэрээний хамт ирүүлэх үүрэгтэй.
Нэр дэвшигчид нь сонгуулийн зардлын мөнгөн хөрөнгийг банканд нээлгэсэн сонгуулийн зардлын дансанд Сонгуулийн тухай хуульд заасан журмын дагуу төвлөрүүлж, зориулалтын дагуу зарцуулахаар заасан.
Үндэсний аудитын газарт 2016 оны 6 дугаар сарын 14-ний байдлаар 320 нэр дэвшигч сонгуулийн зардлын данс нээлгэсэн мэдээллээ ирүүлээд байна.