Монгол Улсын Ерөнхий аудитор А.Зангад тэргүүтэй төлөөлөгчид ОХУ-ын Тооцооны танхимд албан ёсны айлчлал хийж байна.
Монгол Улсын Үндэсний аудитын газар, ОХУ-ын Тооцооны танхим хамтран Монгол Улс, ОХУ-ын хилийн боомтуудыг тохижуулахад 2011-2012 онд зарцуулсан төсвийн хөрөнгийн үр дүнд Алтайн БНУ-ын Хяналт-Тооцооны танхим, Буриад
улсын Тооцооны танхим, Тува улсын Тооцооны танхим, ОХУ-ын Байгалийн хязгаарын Хяналт Тооцооны танхим, Монгол Улсын Сэлэнгэ, Баян-Өлгий, Дорнод, Увс аймгуудын аудитын газрын оролцоотой зэрэгцээ аудит хийгээд байна.
Энэхүү зэрэгцээ аудитын дүнг хэлэлцэх ОХУ-ын Тооцооны танхимын коллеги, Монгол Улсын Ерөнхий аудиторын Зөвлөлийн хамтарсан хуралдаан ОХУ-ын Москва хотноо 2013 оны 12 дугаар сарын 9-ний өдөр зохион байгуулагдаж байна. Хуралдаанд оролцохоор Монгол Улсын Ерөнхий аудитор А.Зангад тэргүүтэй Төрийн аудитын байгууллагын төлөөлөгчид албан ёсны айлчлалыг ОХУ-ын Тооцооны танхимд 2013 оны 12 дугаар сарын 8-10-ны өдрүүдэд хийж байна.
Мөн энэхүү айлчлалын үеэр Монгол Улсын Үндэсний аудитын газар болон ОХУ-ын Тооцооны танхимын хоорондын хамтын ажиллагааны баримт бичигт хоёр байгууллагын удирдлага гарын үсэг зурах ёслол болох юм.
