Дорнод аймгийн Аудитын газар “Сумдын ИТХ-ын 2016 оны сонгуульд нэр дэвшигчдийн мөрийн хөтөлбөрт дүгнэлт гаргалаа”

Сумдын ИТХ-ын 2016 оны ээлжит сонгуульд нэр дэвшигчдийн мөрийн хөтөлбөрт дүгнэлт гаргалаа.

2016.09.09

Үндэсний Аудитын газрын харьяа Дорнод аймгийн Аудитын газраас Төрийн аудитын тухай хуулийн 15 дугаар зүйлийн 15.1.17-д заасан бүрэн эрхийн хүрээнд сумдын ИТХ-ын 2016 оны ээлжит сонгуульд оролцох нам, бие даан нэр дэвшигчдийн мөрийн хөтөлбөрт дүгнэлт өгч ажиллалаа.

Дорнод аймгийн сумдын  2016 оны ээлжит сонгуульд оролцохоор 2 нам, 49 бие даан нэр дэвшигчдээс ирүүлсэн сонгуулийн мөрийн хөтөлбөрт Монгол Улсын Сонгуулийн тухай хууль, Төрийн аудитын тухай хууль, Төсвийн тогтвортой байдлын тухай хууль, Хөгжлийн бодлого төлөвлөлтийн тухай хууль, Монгол Улсын тогтвортой хөгжлийн үзэл баримтлал-2030 бодлогын баримт бичиг, Монгол Улсын нэгдсэн төсвийн 2016 оны төсвийн хүрээний мэдэгдэл, 2017-2018 оны төсвийн төсөөллийн тухай хуульд нийцүүлэн боловсруулсан эсэхэд шинжилгээ хийж, нийцсэн дүгнэлтийг аймгийн Сонгуулийн хороо болон бие даан нэр дэвшигчдэд хүргүүлэв.

ҮНДЭСНИЙ АУДИТЫН ГАЗРЫН ХАРЬЯА ДОРНОД АЙМГИЙН АУДИТЫН ГАЗАР