Дундговь аймаг: Эрсдлийн аудитын тайлан
Үндэсний Аудитын газрын харъяа Дундговь аймгийн Аудитын газрын 2015 оны үйл ажиллагааны төлөвлөгөөний дагуу “Дундговь аймгийн Дэрэн сумын Эрдэм шинжилгээ туршилт үйлчилгээ ОНӨААҮГ-ын 2014 он, 2015 он, 2016 оны 1 дүгээр улирлын санхүүгийн үйл ажиллагаанд эрсдэлийн аудит хийлээ.
Дэрэн сумын Эрдэм шинжилгээ туршилт үйлчилгээ ОНӨҮГ-ын 2014, 2015он, 2016 оны 1 дүгээр улирлын санхүүгийн үйл ажиллагаанд эрсдэлийн аудит хийж, дүгнэлт гарган, зөвлөмж боловсруулж холбогдох байгууллага, албан тушаалтанд танилцуулахад аудитын зорилт чиглэгдэнэ.
Уг зорилтыг хангахын тулд дараах чиглэлээр аудитыг хийсэн болно. Үүнд:
- Мөнгөн хөрөнгийн бүрдүүлэлт, зарцуулалт, хадгалалт, хамгаалалтыг хууль, журмын дагуу гүйцэтгэж, үнэн зөв бүртгэж, тайлагнасан эсэх,
- Хангамжийн болон бараа материалын бүрдүүлэлт, зарцуулалт, хадгалалт, хамгаалалтыг хууль, журмын дагуу гүйцэтгэж, үнэн зөв бүртгэж, тайлагнасан эсэх,
- Үндсэн хөрөнгийн бүрдүүлэлт, хадгалалт, хамгаалалт, элэгдлийн тооцооллыг хууль, журмын дагуу гүйцэтгэж, үнэн зөв бүртгэж, тайлагнасан эсэх,
- Авлага, өр төлбөрийг хууль, журмын дагуу бүртгэж, тайлагнасан эсэх,
- Санхүүгийн үйл ажиллагааны ил тод байдал хангаж ажилласан эсэх.
Аудитын явцад нийт 529,198.8 мянган төгрөгийн зөрчил илрүүлж, 529,198.8 мянган төгрөгийн зөрчлийг арилгуулахаар хугацаатай албан шаардлага хүргүүлж ажиллалаа.
Аудитын нотлох зүйл, дүнд үндэслэн “Төсвийг хууль журмын дагуу зарцуулаагүй байна. ” гэж дүгнэлээ.
Дундговь аймгийн Дэрэн сумын Эрдэм шинжилгээ туршилт үйлчилгээ ОНӨААТҮГ-ийн 2014, 2015он, 2016 оны 1 дүгээр улирлын санхүүгийн үйл ажиллагаанд эрсдэлийн аудит хийж иргэдийн Төлөлөөлөгчдийн Хурал, аймгийн Засаг дарга, орон нутагийн өмчийн алба, ОНӨААТҮГ-т дараах саналыг хүргүүллээ. Үүнд:
- Шилэн дансны тухай хуулийн хэрэгжилтэнд хяналт тавьж ажиллах,
- Аймгийн ИТХ-ын Тэргүүлэгчдийн 2014 оны 11 дүгээр сарын 14 өдрийн “Зөвшөөрөл олгох тухай” №252 тоот тогтоолыг хүчингүй болгох.
- ОНӨААТҮГ орон нутгийн төсөвт оруулсан орлого байхгүй, эдийн засгийн үр өгөөж, үр дүнгүй ажиллаж байгаа тул цаашид авах арга хэмжээний талаар хуралд асуудал оруулан хэлэлцүүлж шийдвэрлэх
- Тус ОНӨААТҮГ-ын ТУЗ-ийг томилж, дүрмийн хэрэгжилтэд хяналт тавьж ажиллах,
- ОНӨААТҮГ-ын даргатай гэрээ байгуулж, гэрээний үүргийн биелэлтийг дүгнэж байх.
- Байгууллагын эдийн засгийн үр ашгийг дээшлүүлж, үйл ажиллагааны орлого, өртөг, зардлын төлөвлөгөөг баталж, хэрэгжилтэд хяналт тавих.
- Байгууллагын албан хэрэг хөтлөлтөд, стандартыг мөрдөж, тушаал шийдвэрийн хэрэгжилтийг хангаж ажиллах
- Байгууллагын удирдлага, нягтлан бодогч нар үйл ажиллагаанд мөрдөх хууль, эрх зүйн мэдлэгийг дээшлүүлж, санхүүд тавих дотоод хяналтыг сайжруулах
- Нягтлан бодох бүртгэлийн бодлогын баримт бичгийг өөрийн байгууллагын онцлогт тохируулан боловсруулан баталж, мөрдөх
- Нягтлан бодох бүртгэлийг стандартын дагуу үнэн зөв, бүрэн хөтөлж, холбогдох хууль, дүрэм, журмыг мөрдөж ажиллах
- Өмч хөрөнгийг нэг хүний шийдвэрээр захиран зарцуулж байгаа зөрчлийг таслан зогсоох давтан гаргахгүй байх, ажиллагсадтай эд хөрөнгийн бүрэн хариуцлагын гэрээ байгуулах
АУДИТЫН ГАЗАР
2016 он
