ТӨРИЙН АУДИТЫН ҮЙЛ АЖИЛЛАГААГ БОЛОВСРОНГУЙ БОЛГОХ АЖЛЫН ХҮРЭЭНД ЖУРМУУД БАТЛАН ГАРГАЛАА

Төрийн аудитын байгууллагын өдөр тутмын үйл ажиллагааг Аудитын дээд байгууллагын олон улсын стандартад нийцүүлэн боловсронгуй болгох зорилгоор “Төрийн аудитын байгууллагын үйл ажиллагааны тайлан болон статистик мэдээг боловсруулж тайлагнах журам”, “Гүйцэтгэлийн аудитын журам”, “Аудитын чанарын хяналтын журам”, “Төрийн аудитын байгууллагын акт тогтоох, албан шаардлага өгөх журам”-уудыг тус тус шинэчлэн боловсруулж, Монгол Улсын Ерөнхий аудиторын 2016 оны А/54, А/92, А/94, А/95, тушаалуудаар батлан, төрийн аудитын байгууллагын хэмжээнд мөрдүүлж эхлээд байна.

Эдгээр журмуудыг шинэчлэн гаргаснаар төрийн аудитын байгууллагын аудитын ажлын дотоод хяналтын процесс боловсронгуй болж, аудитор, шинжээчдийн ажлын хариуцлага, арга зүй сайжрах ач холбогдолтойгоороо онцлог юм.