2016 ОНЫ БҮТЭЭГДЭХҮҮН АЖИЛ, ҮЙЛЧИЛГЭЭНИЙ ТӨЛӨВЛӨГӨӨНИЙ ДАГУУ ХИЙГДЭЖ БУЙ ГҮЙЦЭТГЭЛИЙН АУДИТЫН ЯВЦ
Тайлант хугацаанд тус газрын хамт олон УИХ-ын Нэгдсэн чуулган болон Байнгын хороодоор “Монгол Улсын 2015 оны нэгдсэн төсвийн гүйцэтгэл”, “Улс, орон нутгийн төсвийн хөрөнгөөр 2016 онд санхүүжүүлсэн хөрөнгө оруулалтын ТАХ-ний хэрэгжилт, үр дүн”-д хийсэн аудитын тайлангуудыг хэлэлцэхэд бэлтгэл ажлыг хангаж оролцлоо.
Улсын Их Хурлын Төсвийн Байнгын хорооны 2016 оны 01 дүгээр тогтоол, Монгол Улсын Ерөнхий аудиторын баталсан аудитын ажил үйлчилгээний төлөвлөгөөний дагуу тус газрын Хөрөнгө оруулалтын аудитын алба: “Улсын төсөвт үйлдвэрийн газруудын үйл ажиллагааны үр дүн”-д хийх аудитын хүрээнд Хангай, Зүүн, Баруун, Төвийн бүсийн 5 оношилгоо, эмчилгээний төвүүдийн үйл ажиллагааны үр дүнд аудит хийж байгаа бөгөөд тус албаны аудитор, шинжээчид талбарын ажлаар Өвөрхангай, Ховд, Дорнод, Орхон, Өмнөговь аймгийн аудитын газруудтай хамтран орон нутагт томилолтоор ажиллаж байна.
Төсвийн гүйцэтгэлийн аудитын алба: “УИХ-ын болон аймаг, нийслэлийн Иргэдийн Төлөөлөгчдийн Хурлын 2016 оны сонгуулийн зардлын гүйцэтгэл”-д нэгдсэн удирдамжаар хийх аудитын төлөвлөгөө, хуваарийг баримтлан ажиллаж, орон нутгийн аудитын газруудаас ирүүлсэн тайланг нэгтгэж дуусаад холбогдох нэмэлт тодруулгыг хийж байна. Уг аудитын хүрээнд Сонгуулийн ерөнхий хороо, Цагдаагийн ерөнхий газар, Улсын бүртгэлийн ерөнхий газрын удирдлага, санхүүгийн ажилтнуудыг урьж аудитын нээлтийг хийсэн бөгөөд эдгээр байгууллагуудад аудитын талбарын ажлыг эхлүүлээд байна.
Монгол Улсын 2017 оны нэгдсэн төсвийн төсөлд ҮАГ-аас өгөх орлого нэмэгдүүлэх, зардал хэмнэх, хууль тогтоомжид өөрчлөлт оруулах саналын төслийг боловсруулах ажлын хэсгийн хуваарийг Монгол Улсын Ерөнхий аудиторын 2016 оны 9 дүгээр сарын 15-ны өдрийн А/96 тоот тушаалаар баталгаажуулж, ажлын хэсэг байгуулагдан ажилдаа орлоо.
Чиглэлийн аудитын алба: “Монросцветмет” ХХК-ий 2014-2016 оны 9 дүгээр сар хүртэлх хугацааны үйл ажиллагааны үр дүнд хийх аудитын нээлтийг 2016 оны 9 дүгээр сарын 15-ны өдөр хийж, талбарын ажлыг эхлүүлээд байна.
Газрын хэмжээнд Чанарын баталгаажуулалтын албанаас өгсөн арга зүйн зөвлөгөө, зөвлөмжид дурдагдсан гүйцэтгэлийн аудитын чиглэлээр өгсөн 7 зөвлөмжийн хэрэгжилтийг 2016 оны 8 дугаар байдлаар гаргаж хүргүүлээд байна.
