ШИЛЭН ДАНСНЫ НЭГДСЭН ЦАХИМ ХУУДАСНЫ АШИГЛАЛТ, ТҮҮНД ТАВИХ ХЯНАЛТ СЭДВЭЭР ОНЛАЙН СУРГАЛТ ЗОХИОН БАЙГУУЛЛАА
2016 онд Үндэсний аудитын газраас нийлүүлэх бүтээгдэхүүн, ажил, үйлчилгээний төлөвлөгөөний дагуу 2016 оны эхний хагас жилд Шилэн дансны тухай хуулийн 3 дугаар зүйлийн 3.1.1, 3.1.2, 3.1.3-т заасан байгууллагуудын хуулийн хэрэгжилтэд аудит хийж дүнг УИХ-д танилцуулахаар, 2016 оны сүүлийн хагас жилд хуулийн 3 дугаар зүйлийн 3.1-д заасан байгууллагуудын шилэн дансны тухай хуулийн хэрэгжилтэд аудит хийхээр төлөвлөгөө батлуулан бэлтгэл ажлыг ханган ажиллаж байна.
Энэхүү ажлын хүрээнд Шилэн дансны нэгдсэн цахим хуудсанд шинээр ашиглалтад орж буй аудитын хяналтын функцийг хэрхэн ашиглах талаарх онлайн сургалтыг Ай Ти Зон ХХК-ийн мэргэжилтнүүдтэй хамтран аймаг, нийслэлийн аудитын газрын тэргүүлэх аудитор, менежер, аудитор, шинжээч нарыг хамруулан зохион байгууллаа.
Цаашид Шилэн дансны нэгдсэн цахим хуудасны ашиглалт, түүнд тавих хяналтын талаар танилцуулах нэвтрүүлгийг Сангийн яам, Ай Ти Зон ХХК-иудтай хамтран Үндэсний олон нийтийн телевизээр зохион байгуулахаар төлөвлөн ажиллаж байна.
