ҮНДЭСНИЙ АУДИТЫН ГАЗРЫН ДОТООД АУДИТОР ОРОН НУТГИЙН АУДИТЫН ГАЗАРТ АЖИЛЛАА

ҮАГ-ын дотоод аудитор Д.Баатархуяг 2016 оны 9 дүгээр сарын 12-ноос 16-ны өдрүүдэд Дорноговь, Говьсүмбэр аймгийн аудитын газрын үйл ажиллагаатай танилцлаа.

Дээрх 2 аймгийн аудитын газрын үйл ажиллагаа, төсөв санхүүгийн зарцуулалт хэвийн явагдаж байгаа хэдий ч албан байгууллага болохынхоо хувьд ерөнхий чиг үүргийн болон дотоод ажилдаа ач холбогдол бага өгснөөс гарч байгаа баримт бичгийн боловсруулалт хангалтгүй, баримт бичигт бүртгэлээр тавих хяналт сул, хөтлөх хэргийн нэрийн жагсаалт баталж мөрдөөгүй, архив, албан хэрэг хөтлөлтийн заавар, стандарт зөрчигдөх  зэрэг нийтлэг дутагдал илэрчээ.

Дорноговь аймгийн аудитын газрын дарга, тэргүүлэх аудиторыг аудитыг удирдах ажлын арга барилыг сайжруулах, шинийг санаачлах, удирдлагын манлайллыг дээшлүүлэх шаардлагатай байна гэж үзжээ.

Говьсүмбэр аймгийн аудитын газрын дотоод ажил эмх цэгц сайтай, хэвийн явагдаж байна гэж дүгнэсний дээр  сүүлийн 4 жилийн байдлаар эрсдэлийн санг бүх байгууллага, салбар, дансаар байгуулан аудитад ашигладаг, аудитын нээлт, хаалтыг сайн хийдэг, орон нутгийн удирдлагуудад байгууллагынхаа үйл ажиллагааг сайтар ойлгуулж хамтран ажиллаж байгаа зэрэг Говьсүмбэр аймгийн аудитын газрын ажлын туршлага, шинэ санааг бусад аймгуудад үзүүлэх, нэвтрүүлэх нь зүйтэй гэж дотоод аудитор зөвлөсөн байна.