Сүхбаатар аймгийн Аудитын газар сумдад ажиллаа

Санхүү, гүйцэтгэл, нийцлийн аудитаар хийгдсэн ажлын үр дүнг үнэлэх, хэрэгжээгүй төлбөрийн акт, албан шаардлага, зөвлөмжийн биелэлтийг хангуулах, төлөвлөгөө хөтөлбөртэй аудитыг гүйцэтгэх, аудитаас үр дүн бий болгох чиглэлээр тэргүүлэх аудиторын удирдамжтай, Тэргүүлэх аудитор, аудитын менежерээр ахлуулсан 2 баг 12 хоногийн томилолттой 13 суманд ажиллаа. Уг томилолтоор дараах асуудлуудыг хамруулан аудитыг гүйцэтгэлээ. Үүнд:

1. Байгаль орчны тухай хуулийн  хэрэгжилтэд нийцлийн аудит хийж, дүн дүгнэлт боловсруулах

2. Засгийн газрын тусгай сангийн үйл ажиллагааны үр дүнд аудит хийж, үнэлэлт дүгнэлт өгөх

3. Сум хөгжүүлэх сангийн үйл ажиллагааны үр дүнд аудит хийж, нотлох баримт цуглуулж, дүн шинжилгээ хийх

4. Шилэн дансны тухай хуулийн хэрэгжилтэд аудит хийх, өмнөх аудитын үр дүнг тооцох

5. Санхүү, гүйцэтгэл, нийцлийн аудитаар өгөгдсөн төлбөрийн акт, албан шаардлага, зөвлөмжийн хэрэгжилтийн үр дүнг тооцох, хэрэгжээгүй арга хэмжээнүүд дээр хамтран ажиллах, үр дүн бий болгох

6. Зарим сумдын 90 жилийн ойн хандивын үйл ажиллагаанд аудит хийх

Аудиттай холбоотой дараах үр дүнгүүд гарсан байна.

1. Төлөвлөгөөтэй аудитыг хугацаанд нь гүйцэтгэж, аудитын тайланг чанар үр дүнтэй болгоход анхаарлаа.

2. Сум хөгжүүлэх сангийн зарцуулалтыг сайжруулж, хөтөлбөрөөс гарах үр дүнг нэмэгдүүллээ.

3. Байгууллагын жилийн эцсийн мэдээ тайлан гарахад төлбөрийн акт, албан шаардлага, зөвлөмжийн хэрэгжилтийн хувь хэмжээ нэмэгдэж, аудитын үр дүн сайжирсан байна.

4. Шилэн дансны тухай хуулийн хэрэгжилтийн аудит эхлэхэд судалгаа шинжилгээний ажил бүрэн боловсрогдсон байна.