Төрийн аудитын байгууллагын удирдах ажилтны зөвлөгөөн зохион байгууллагдлаа.

Төрийн аудитын байгууллагын удирдах ажилтны зөвлөгөөн зохион байгууллагдлаа. Тус зөвлөгөөнд 2014 оны ажлын үр дүн, ололт амжилтаа хэлэлцэн, 2015 оны зорилго ,зорилт, төрийн аудитын шинэчлэл, аудитын чанар, үр нөлөө үр өгөөжийг дээшлүүлэх талаар зөвлөлдлөө. ҮАГ-ын Стратегийн удирдлагын газар, Тамгын газрын дарга нар 2014 оны үйл ажиллагаанд гарсан бүтээлч, бодлого зарчмын шинж чанартай асуудлууд дээр төвлөрүүлэн мэдээлэл хийж, Санхүүгийн аудитын газар, Гүйцэтгэлийн аудитын газар, Нийцлийн аудитын газын дарга нар 2014 оны үйл ажиллагаанд гарсан алдаа дутагдал, ололт амжилт болон нэгдсэн удирдамжаар хийгддэг аудитын талаар чиглэл өгч санал бодлоо солилцов.
Мөн зөвлөгөөнд “Төрийн аудитын байгууллагын 2014 оны үйл ажиллагааны хэрэгжилт, цаашдын зорилтын талаар” МУЕА- А.Зангад илтгэл тавьж, “Төрийн аудитын байгууллагын 2014 оны үйл ажиллагааны үр дүн”-н талаар ҮАГ-ын дэд дарга Б.Баттуяа тайлан тавилаа. АТГ-ын Авлигаас урьдчилан сэргийлэх, соён гэгээрүүлэх хэлтсийн Ахлах мэргэжилтэн Мөнхжаргал “Авлигаас урьдчилан сэргийлэх, соён гэгээрүүлэх” сэдвээр ,СЯ-ны Төрийн сангийн Төлбөр тооцооны газрын дарга Б.Отгонцэцэг “ Шилэн дансны хуулийн хэрэгжилт,түүнд тавигдах хяналт” сэдвээр тус тус мэдээлэл өглөө. Мөн УИХ-ын даргын ахлах зөвлөх С.Ламбаа, УИХ-ын Тамгын газрын ерөнхий нарийн бичгийн дарга Б.Болдбаатар, УИХ-ын Тамгын газрын хяналт үнэлгээний хэлтсийн дарга Л.Энхтуяа нар уригдан оролцож аудитын байгууллагын үйл ажиллагаа, тулгамдаж буй асуудлын талаар, санал бодлоо солилцлоо.
Зөвлөгөөний үеэр 2014 онд үйл ажиллагаагаараа тэргүүлсэн Нийслэлийн болон Говь-Алтай, Архангай аймгийн аудитын газруудад шагнал гардууллаа.