Төв аймгийн Аудитын газрын 9-р сарын мэдээлэл

Төв аймгийн Аудитын газар “Орон нутгийн ИТХ-ын 2016 оны сонгуульд нэр дэвшигчдийн мөрийн хөтөлбөрт дүгнэлт гаргалаа”

Төв аймгийн Аудитын газраас Төрийн аудитын тухай хуулийн 15 дугаар зүйлийн 15.1.17-д заасан бүрэн эрхийн хүрээнд сумдын ИТХ-ын 2016 оны ээлжит сонгуульд оролцох нам, бие даан нэр дэвшигчдийн мөрийн хөтөлбөрт дүгнэлт өгч ажиллалаа.

Сонгуулийн тухай хуулийн 67.5 дах заалтыг үндэслэн 2016 оны орон нутгийн ээлжит сонгуульд 1 нам, 1 эвсэл, 71 бие  даан нэр дэвшигчдийн ирүүлсэн сонгуулийн мөрийн хөтөлбөрт дүгнэлт гарган Сонгуулийн хороо болон, нам, бие даагчдад хүргүүлэв.

Төв аймгийн Аудитын газар санхүүгийн тайлангийн завсрын аудитаар сумдад ажиллалаа.

Тэргүүлэх аудиторын 2016 оны 1 сарын 02-ны 02 дугаар тушаалаар батлагдсан 2016 оны үйл ажиллагааны төлөвлөгөөнд тусгагдсаны дагуу завсрын аудитыг Эрдэнэ, Баяндэлгэр, Мөнгөнморьт, Архуст, Баяндэлгэр, Баянжаргалан сумдын төсвийн байгууллагуудын санхүүгийн үйл ажиллагаанд хийв.

Төв аймгийн Аудитын газар нийцлийн аудитыг хийж байна

Монгол Улсын Их Хурлын Төсвийн байнгын хорооны 2016 оны 1 дүгээр сарын 01 тоот тогтоол, Төрийн аудитын тухай хуулийн 15 дугаар зүйлийн 15.1.1 дэх заалтыг үндэслэн Үндэсний аудитын газрын бүрэн эрхийн хүрээнд, МУ-ын Ерөнхий аудиторт 2016 онд нийлүүлэх бүтээгдэхүүн, ажил үйлчилгээний төлөвлөгөөний дагуу Байгаль орчныг хамгаалах тухай хуулийн хэрэгжилтэд аудит хийгдэж байна. Нийцлийн аудитаар 10 сумдаар явж ойн нөхөн сэргээлт, сум дундын ойн ангийн үйл ажиллагаа, уул уурхайн нөхөн сэргээлт, ан агнуурын гүйцэтгэлд аудит хийв.

Төв аймгийн Аудитын газар нийцлийн аудитыг хийж дуусгав

Аймгийн ИТХ-ын захиалга, аудитын газрын 2016 оны аудитын болон үйл ажиллагааны төлөвлөгөөнд тусгагдсны дагуу “Согтууруулах ундаа худалдах, түүгээр үйлчилгээ эрхлэх зөвшөөрөл олгох, хяналт тавих журмын хэрэгжилт”-д нийцлийн аудитыг хийж Аймгийн ИТХ-д тайлагнав.

Төв аймгийн Аудитын газар гүйцэтгэлийн аудитыг хийж байна

Аймгийн ИТХ-ын захиалга, аудитын газрын 2016 оны аудитын болон үйл ажиллагааны төлөвлөгөөнд тусгагдсны дагуу “Аймгийн төсвийн болон орон нутгийн хөгжлийн сангийн хөрөнгө оруулалтаар 2012-2015 онд хийсэн ажлын үр дүн, шинээр бий болсон үйлдвэр цех, барилга байгууламж бусад хөрөнгийг орон нутгийн өмчид бүртгэж авсан байдал” гүйцэтгэлийн аудитыг хийж байна.

Төв аймгийн Аудитын газар цахим сургалтанд хамрагдав

Үндэсний аудитын газраас зохион байгуулсан “Аудитын явцад хувь хүн, байгууллага, төрийн нууцтай танилцах, хамгаалах, ашиглах асуудал, анхаарах зүйл”, “Шилэн дансны программ”-ын онлайн сургалтанд бүрэн хамрагдаж тулгамдаж байгаа асуудлаар санал солилцов.