Архангай – Аудитын нээлт хийлээ

ҮАГ-ын харьяа Архангай Аймгийн Аудитын газар 2016 оны бүтээгдэхүүн ажил үйлчилгээний төлөвлөгөөний дагуу  “Хөдөлмөр эрхлэлтийг дэмжих сангийн 2016 оны эхний 3-р улирлын хөрөнгийн зарцуулалт, үйл ажиллагааны үр дүн” сэдэвт гүйцэтгэлийн аудитын нээлтийг хийлээ. Аудитын нээлтээр зорилго, арга зүй,  аудитад ашиглах шалгуур үзүүлэлт, өмнөх аудитаар илэрч байсан зөрчлүүдийг хөдөлмөрийн хэлтсийн ахлах мэргэжилтэн, төсөл хөтөлбөр хариуцсан мэргэжилтнүүд, сангийн нягтлан бодогч нарт дэлгэрэнгүй танилцууллаа.

Энэ аудитаар Хөдөлмөр эрхлэлтийг дэмжих талаар төрөөс баримтлаж байгаа бодлого орон нутагт хэрхэн хэрэгжиж байгаа үр дүнг шалгаж дүгнэлт гаргах, зөвлөмж боловсруулан холбогдох албан тушаалтанд танилцуулан улмаар орон нутгийн удирдлагад бодит мэдээлэл өгөх, шийдвэр гаргах түвшинд туслах зорилготой юм.