Дундговь аймаг: Хувийн аудитын компаниудтай санхүүгийн тайланд санхүүгийн аудит хийлгэх гэрээ байгууллаа

Төрийн аудитын тухай хуулийн 18.5, МУЕА-ын 2013 оны 153 дугаар тушаалаар баталсан “Төрийн аудитын байгууллага санхүүгийн тайланд аудит хийх чиг үүргээ аудитын бусад байгууллагаар гэрээний үндсэн дээр хийж гүйцэтгүүлэх журам”-д заасны дагуу Дундговь аймгийн Аудитын газар зарим төсвийн байгууллага, орон нутгийн өмчит аж ахуйн нэгжүүдийн 2016 оны  санхүүгийн тайланд санхүүгийн аудит хийлгэхээр “Их наяд аудит” ХХК,  “Саруул баян-Уул” аудит ХХК-тай гэрээ байгууллаа.

Дээрх  компаниудаар СТА хийлгэхээр хуваарилагдсан төсвийн байгууллагуудын удирдлага, нягтлан бодогч нарт завсрын аудитын талаар мэдээлэл хийлээ.

Аудитын газар Монгол Улсын Ерөнхий аудиторын 2014 оны 203 дугаар тушаалаар баталсан “Санхүүгийн тайлангийн аудитын журам”-ын 1.9, Аудитын газрын 2016 оны үйл ажиллагааны төлөвлөгөөний дагуу аймгийн төвийн зарим байгууллагад завсрын аудитыг хийж байна.   Мөн завсрын аудитаар 2016 оны 11 дүгээр сарын 01-ний өдрөөс 11 дүгээр сарын 25-ны өдрийг хүртэл зүүн сумдад ажиллахаар Санхүүгийн аудитын баг бэлтгэл ажилдаа орж байна.