ТӨРИЙН АУДИТЫН БАЙГУУЛЛАГЫН САНХҮҮГИЙН АУДИТЫН ГАЗАР ТӨСВИЙН ТУХАЙ ХУУЛЬД ЗААСАН ЦАГАЛБАРТ ХУГАЦААНЫ ДАГУУ АУДИТЫГ ХИЙЖ ГҮЙЦЭТГЭЖ БАЙНА
2015 онд Төрийн аудитын Санхүүгийн аудитын газар төвлөрүүлэн, шууд захирагчдын, төрийн өмчит болон төрийн өмчийн оролцоотой аж ахуй нэгжүүдэд
Төсвийн тухай хуульд заасан цагалбарт хугацааны дагуу аудитыг хийж гүйцэтгэж байна.
Улсын төсвийн ТШЗ-чийн санхүүгийн тайлангийн аудитын талаар
Тайлант хугацаанд улсын төсвийн 65 шууд захирагчийн санхүүгийн тайланд аудит хийж, 89.2 хувь буюу 58 ТШЗ-ийн санхүүгийн тайланд “Зөрчилгүй”, 10.8 хувь буюу 7 ТШЗ-ийн санхүүгийн тайланд “Хязгаарлалтай” санал дүгнэлт өгсөн бөгөөд үүнд: Гадаад харилцааны яамны аппарат, Хөдөлмөрийн эрүүл мэнд судлалын төв, ЗХ-ний 052 дугаар анги, Нисэхийн эмнэлэг, сэргээн засал, сувиллын цогцолбор, Төрийн тусгай хамгаалалтын газар, ЦЕГ-Санхүү хангамжийн газар, Төрийн өмчийн хороо санхүүгийн тайланд “Хязгаарлалттай” санал дүгнэлт өгсөн байна.
Зөвлөмж:
Тайлант онд аудитаар 144 аудитын зөвлөмж өгөгдсөн ба 18.75 хувь буюу арвилан хэмнэх, 5.55 хувь буюу үр ашиг дээшлүүлэх, 9.02 хувь буюу үр нөлөөг сайжруулах, 32.63 хувь буюу дотоод хяналт сайжруулах, 34.02 хувийг бусад зөвлөмжид оруулан тооцсон байна. Үүнээс 2.08 хувь буюу 3 зөвлөмж хэрэгжүүлж, үлдэх 141 зөвлөмж хэрэгжих шатандаа болон хугацаа болоогүй шалтгаанаар 2015 онд шилжиж байна.
Төлбөрийн акт, албан шаардлага:
Төрийн аудитын Санхүүгийн аудитын газрын хэмжээнд нийтдээ 32.3 сая төгрөгийн 4 акт, 9250.4 сая төгрөгийн 16 албан шаардлага ногдуулжээ. Нийт барагдуулах ёстойгоос 45.5 хувь буюу 14.7 саяын 1 акт бүрэн барагдуулж, үлдэх 17.6 сая төгрөгийн 3 төлбөрийн акт дараа онд шилжиж байна.
Үүнд: Боловсрол, шинжлэх ухааны яамны 10.1 сая төгрөгийн 1 акт, Төрийн өмчийн хорооны 5.5 сая төгрөгийн 1 акт, “Эрчим хүч-дэд бүтэц” төсөл 2.0 сая төгрөгийн 1 акт хугацаа болоогүй, хэрэгжих шатандаа явж байгаа ба Авто замын хяналт судалгааны төвийн 14.7 сая төгрөгийн 1 акт бүрэн барагдсан байна.
