Архангай – Аудитын нээлт хийлээ
16:38 11 сарын 03 өдөр 2016 он
ҮАГ-ын харьяа Архангай Аймгийн Аудитын газар нь Монгол Улсын Ерөнхий аудиторт 2016 онд нийлүүлэх бүтээгдэхүүн ажил үйлчилгээний төлөвлөгөөний дагуу “Шилэн дансны тухай хуулийн хэрэгжилт”-д 2016 оны 3-р улирлын байдлаар хийх нийцлийн аудитын нээлтийг 2016 оны 10 сарын 26-нд хийлээ. Нээлтэд Санхүү төрийн сангийн хэлтсийн дарга, холбогдох мэргэжилтэнүүд, Эрдэнэбулган сумын төсөвт байгууллагуудын дарга, нягтлан бодогч нар оролцлоо. Аудитын нээлтээр аудитын зорилго, арга зүй, аудитад ашиглах шалгуур үзүүлэлт, өмнөх аудитаар илэрсэн алдаа зөрчил, цаашид анхаарах асуудлуудын талаар танилцуулав.
