ГҮЙЦЭТГЭЛИЙН АУДИТЫН ГАЗРААС ЭХНИЙ ХАГАС ЖИЛД ХИЙЖ БУЙ АУДИТЫН ЯВЦЫН ТАЛААР УУЛЗАЛТ ХИЙЛЭЭ.

Гүйцэтгэлийн аудитын газраас энэ оны эхний хагас жилд хийж буй аудитын явцын талаар  уулзалт хийж талбарын ажлын явц, байдлын талаар ярилцлага хийлээ.

Энэ оны эхний хагас жилд  “Монгол Улсын эдийн засаг, нийгмийг 2014 онд хэрэгжүүлэх үндсэн чиглэлийн хэрэгжилт”, “Засгийн газрын үйл ажиллагааны хөтөлбөрт тусгагдсан” Ажилтай орлоготой Монгол хүн”, “Эрүүл чийрэг Монгол хүн” хөтөлбөрийн хэрэгжилт”, “Улсын төсвийн 2014 оны хөрөнгө оруулалтын хэрэгжилт, үр дүн”-д аудит хийж байгаа билээ.

3 дугаар сарын 09-ний байдлаар Үндсэн чиглэлийн болон  “Ажилтай орлогтой Монгол хүн”, “Эрүүл чийрэг Монгол хүн” хөтөлбөрийн хэрэгжилтийн аудит 15 аймаг, 12 төсвийн Ерөнхийлөн захирагчийн хэмжээнд дуусгавар болсон байна.

Аймгуудаас Баянхонгор, Сүхбаатар, Говьсүмбэр, Говь-Алтай, Завхан аймаг, Төсвийн Ерөнхийлөн захирагчдаас ХАХНХЯ, ЗГХЭГ, БХБЯ, БСШУЯам, ХЗЯ зэрэг газруудад хийгдэж буй аудит тайлагналын шатандаа явж байна.

Аудитын дүнг 4 дүгээр сарын 01-ний дотор эцэслэн гаргаж УИХ-д танилцуулах юм.