Өвөрхангай аймгийн Аудитын газар-Аймгийн Иргэдийн Төлөөлөгчдийн хурлын 2016 оны ээлжит сонгуулийн хандивын жагсаалт
Өвөрхангай аймгийн ИТХ-ын сонгуульд оролцсон Монгол Ардын Нам, Ардчилсан Нам, Монгол Ардын Хувсгалт Нам, Хөдөлмөрийн Үндэсний Нам нийт 87 хүн нэр дэвшсэнээс ХҮН-аас нэр дэвшигч Д.Батбилэг нь зардлын тайлангаа сонгуулийн хороонд өгөөгүй байна. Сонгуулийн тухай хуулийн 60.5-д заасан хугацаанд зардлын тайлангаа сонгуулийн хороонд өгөөгүй Хөдөлмөрийн Үндэсний Намаас нэр дэвшигч Д.Батбилэгийг дараагийн сонгуульд нэр дэвшүүлэхгүй байхад анхаарч ажиллах талаар орон нутгийн сонгуулийн хорооны даргад зөвлөмж хүргүүлж, хэрэгжүүлсэн байна. Аймгийн ИТХурлын 2016 оны ээлжит сонгуульд оролцсон аймгийн Монгол Ардын Нам, Ардчилсан Нам, Монгол Ардын Хувсгалт Нам болон нэр дэвшигчийн сонгуулийн нэрийн дансанд төвлөрүүлсэн хөрөнгө нь Сонгуулийн тухай хуулийн 40.2, 50.1, 52.1 дэх заалттай нийцсэн байна.
Сонгуульд оролцсон нам, эвсэл, нэр дэвшигчид нийт 149 иргэн, 7 ААНэгжээс бүгд 291.8 сая төгрөгийн хандив авч нэрийн дансны хөрөнгийн зарцуулалт нь Сонгуулийн тухай хууль болон холбогдох журамд нийцсэн байна. Сонгуулийн тухай хуулийн 60 дугаар зүйлийн 60.3-д ”Төрийн аудитын байгууллага зардлын тайланг хянаж, хүлээн авсан өдрөөс хойш 90 хоногийн дотор дүнг нийтэд мэдээлэх ба нэг сая ба түүнээс дээш төгрөгийн хандив өгсөн иргэн, хоёр сая ба түүнээс дээш төгрөгийн хандив өгсөн хуулийн этгээдийг нийтэд зарлана” гэж заасны дагуу нам, эвсэл, нэр дэвшигчийн хандивыг зарлаж байна.
