Архангай – Бүтээлч сарын аян зарлалаа.

Архангай аймгийн Аудитын газрын Удирдлагын зөвлөлийн өргөтгөсөн хурал 2016 оны 11 дүгээр сарын 15-нд болж тайлангийн жил дуусах дөхөж байгаатай холбогдуулан байгууллагын 2016 онд дэвшүүлсэн зорилт, бүтээгдэхүүн ажил үйлчилгээний төлөвлөгөөний хэрэгжилтийг цаг хугацаанд нь үр дүнтэй, бүрэн дүүрэн ханган биелүүлэх үүднээс санхүү, нийцэл, гүйцэтгэлийн аудитын багуудын эхний 11 сарын байдлаар хийсэн ажлын явцын талаарх мэдээллийг  сонслоо.

Мөн аудитор шинжээчдийн  хийсэн ажлаа бусдад таниулан ойлгуулах, зөв тайлбарлах мэргэжлийн үг яриаг хөгжүүлэх  ур чадварыг нэмэгдүүлэх үүднээс Засгийн газрын тусгай сан, Байгаль орчныг хамгаалах хуулийн хэрэгжилтэд хийсэн нийцлийн аудит, Ойжуулалтад зарцуулсан хөрөнгийн үр дүнд хийсэн гүйцэтгэлийн аудитын тайланг  аудитор шинжээчид танилцуулж, Удирдлагын зөвлөлд тайлан хамгаалах ажлыг зохион байгууллаа.

Хурлаас аудитын газрын үндсэн үйл ажиллагааны ажлыг эрчимжүүлэх үүднээс 2016.11.15-2016.12.15-ныг хүртэл “Бүтээлч сарын аян”-ыг Санхүү, Гүйцэтгэл, Нийцлийн аудитын багуудын дунд зохион байгуулж, хийх ажлын төлөвлөгөө гарган батлалаа.