2016 ОНЫ БҮТЭЭГДЭХҮҮН АЖИЛ, ҮЙЛЧИЛГЭЭНИЙ ТӨЛӨВЛӨГӨӨНИЙ ДАГУУ ХИЙГДЭЖ БУЙ ГҮЙЦЭТГЭЛИЙН АУДИТЫН ЯВЦ

Улсын Их Хурлын Төсвийн Байнгын хорооны 2016 оны 01 дүгээр тогтоол, Монгол Улсын Ерөнхий аудиторын 2016 оны А/05 дугаар тушаалын дагуу Гүйцэтгэлийн аудитын газарт дараах аудит хийгдэж байна. Үүнд:

•  Монгол Улсын 2017 оны нэгдсэн төсвийн төсөлд Үндэсний аудитын газраас өгөх санал, дүгнэлтийг хуулиар тогтоосон хугацаанаас өмнө УИХ-д хүргүүллээ. Үндэсний аудитын газрын саналаар Монгол Улсын 2017 оны нэгдсэн төсвийн төслийн бараа, үйлчилгээний урсгал зардлыг 30.3 тэрбум төгрөг, Төсвийн тухай хуулийн шаардлага хангаагүй 13 төсөл, арга хэмжээний хэрэгжилтийг хойшлуулж, улсын төсвийн хөрөнгөөр санхүүжих хөрөнгө оруулалтын жагсаалтаас төсөвт өртгийг 41.0 тэрбум төгрөгөөр, 2017 онд 9 төсөл, арга хэмжээний санхүүжих дүнг 14.1 тэрбум төгрөгөөр тус тус бууруулах, төв төрийн сангийн 2015 оны авлагын үлдэгдлээс 2017 онд барагдуулахаар төсвийн төслөөр өргөн барьсан дүнг 10.0 тэрбум төгрөгөөр нэмэгдүүлж нийт 95.4 тэрбум төгрөгийг 2017 оны Төсвийн тухай хуульд тусгууллаа.

• Эрчим хүч, харилцаа холбооны тусгай зөвшөөрөл олгох үйл ажиллагааны үр дүн сэдэвт гүйцэтгэлийн аудитын хүрээнд нэгдсэн тайланг Монгол Улсын Ерөнхий аудиторын 2016 оны А/118 дугаар тушаалаар батлуулан УИХ-ын Төсвийн Байнгын хороонд хүргүүллээ.

• Монгол Улсын Ерөнхий аудиторт Үндэсний аудитын газраас 2016 онд нийлүүлэх бүтээгдэхүүн, ажил, үйлчилгээний төлөвлөгөө, аудитын төлөвлөгөөнд заасан хугацааны дагуу “Монголросцветмет” ХХК-ийн 2014-2016 оны 9 дүгээр сар хүртэлх хугацааны үйл ажиллагааны үр дүн” сэдэвт гүйцэтгэлийн аудитын талбарын үе шат, “Улсын Их Хурлын болон аймаг, нийслэлийн Иргэдийн Төлөөлөгчдийн Хурлын 2016 оны сонгуулийн зардлын гүйцэтгэл”, “Бүсийн оношилгоо, эмчилгээний төвүүдийн үйл ажиллагааны үр дүн” сэдэвт гүйцэтгэлийн аудитын тайлагналын үе шатны ажил үргэлжилж байна.