Орхон аймгийн Аудитын газар: 2016 оны санхүүгийн тайлангийн аудит эхлэх уулзалт сургалт зохион байгуулж, итгэл үзүүлсэн байгууллагуудад итгэмжлэл гардууллаа.
Улсын болон орон нутгийн төсвийн байгууллагуудын 2016 оны жилийн эцсийн санхүүгийн тайланд хийх аудит, Шилэн дансны тухай хуулийн хэрэгжилт, цаашид анхаарах асуудлын талаарх уулзалт, сургалтыг 2016 оны 01 дүгээр сарын 11-ний өдөр аймгийн Аудитын газар болон Санхүүгийн хяналт, аудитын албатай хамтран зохион байгууллаа. Уг арга хэмжээнд Тэргүүлэх аудитор, аудитын менежер, санхүүгийн аудитын баг, аймгийн Санхүү хяналт, аудитын албаныхан болон төсвийн байгууллагуудын дарга, эрхлэгч, нягтлан бодогч нар хамрагдлаа.
Монгол Улсын Ерөнхий аудиторын 2016 оны А/72 дугаар тушаалаар батлагдсан “Санхүүгийн тайлангийн аудитад итгэл үзүүлэхэд баримтлах журам”-ын шаардлагыг хангасан, 2013 – 2015 оны санхүүгийн тайлангийн аудитаар “зөрчилгүй” санал дүгнэлт авсан 6 байгууллагад “ИТГЭМЖЛЭЛ”-гардууллаа.
