2012 онд Татварын ерөнхий газрын үйл ажиллагаанд хийсэн аудитын тайлан

Тайлан

Зөвлөмжүүд

Аудитын дүн, дүгнэлтэд үндэслэн дараах арга хэмжээг авч хэрэгжүүлэхийг дор дурдсан албан тушаалтанд зөвлөж байна.

Үүнд:
Сангийн сайд Ч.Улаанд:

• Татварын ерөнхий газрын үйл ажиллагааны стратеги, бүтцийн өөрчлөлтийн хөтөлбөрийг шинэчилж баталгаажуулах,
• Татварын орлогын төлөвлөлтийн үндэслэлийг сайжруулах нэгдсэн аргачлал, арга зүйг боловсруулж мөрдүүлэх,
• Төрийн банкны дүрэм, Гүйцэтгэх удирдлагатай байгуулсан гэрээ, банкны дотоод журам заавруудыг өнөөгийн хүчин төгөлдөр үйлчилж буй хууль, тогтоомжтой нийцүүлж, гарсан зөрчлийг арилгах арга хэмжээ авч хэрэгжүүлэх, цаашид төрийн үүсгэл санаачлагаар байгуулагдсан нэгжийн үйл ажиллагаанд тавих хяналт, бодлого, зохицуулалтын арга хэмжээг сайжруулах,
• Хууль хяналтын байгууллагад шилжүүлсэн, шүүхийн шийдвэр гүйцэтгэлийн албанд байгаа өрийн барагдуулалт, татвараас зайлсхийх, далд эдийн засагтай тэмцэх ажилд дэмжлэг үзүүлэх болон уул уурхайн бүтээгдэхүүний жишиг үнэ тогтоож буй асуудлыг нэг мөр болгох арга хэмжээ авах,
• Татварыг давхардуулан ногдуулахгүй байх тухай олон улстай байгуулсан хэлэлцээрийг бүхэлд хянан үзэж, шаардлагатай арга хэмжээг авч хэрэгжүүлэх.

Татварын ерөнхий газрын даргын үүргийг түр орлон гүйцэтгэгч Т.Батмагнайд:

• ТЕГ-ын стратеги төлөвлөгөө, судалгаа шинжилгээний дүнд үндэслэн орон тооны жишиг норматив, зохион байгуулалтын бүтцийг боловсронгуй болгох арга хэмжээг авч хэрэгжүүлэх,
• ҮТА-ны зарим чиг үүргийг хөнгөвчлөх, олон нийт, төрийн бус, хувийн хэвшлийн оролцоо хяналтыг нэвтрүүлэх асуудлыг судалж, санал боловсруулан зохих журмын дагуу шийдвэрлүүлэх,
• Улсын төсвөөс санхүүжих хөрөнгө оруулалтын дэмжлэг, бодлогыг татвар төлөгчдөд үзүүлэх үйлчилгээ, албадын ажлын орчинг сайжруулахад хандуулж төлөвлөлтийн үндэслэлийг сайжруулахад анхаарч холбогдох арга хэмжээ авч ажиллах,
• Тайлангийн ирцийн дүнд “Х” болон “алдагдалтай” тайлангийн хувь хэмжээ буурахгүй, түүнчлэн татварын албаны үр ашигт байдлын түвшний үзүүлэлт буурах хандлагатай байгаад дүгнэлт хийж, суурь үзүүлэлтийг ашиглан холбогдох арга хэмжээг авч хэрэгжүүлэх,
• Урамшуулалд авч буй санхүүжилтыг ТЕГ-ын нэгдсэн тайланд тусгаж СТОУС, НББОУС-ын дагуу иж бүрэн, үнэн зөв илэрхийлэх, тогтолцоо эрх зүйн орчинг өөрчилж боловсронгуй болгох асуудлыг судалж, санал боловсруулан зохих журмын дагуу шийдвэрлүүлэх,
• Маргаан таслах зөвлөлд ирж буй өргөдөл гомдлын шийдвэрлэлтийн байдлыг үнэлэх, зөвлөлөөс гаргасан шийдвэрт үнэлэлт дүгнэлт, өгч мэдээлж байх зохион байгуулалтын арга хэмжээг авч хэрэгжүүлэх,
• Хөндлөнгийн мэдээлэл, ногдуулалтын хяналтын үр нөлөөг дээшлүүлэх, УТОХГ-аас бүртгэлтэй татвар төлөгчдөд үзүүлж буй үйлчилгээний үр дүнг үнэлэх, тус газрын бүтэц, чиг үүргийг хянан үзэж боловсронгуй болгох арга хэмжээ авах,
• Татвараас зайлсхийхтэй тэмцэж буй ажлын үр нөлөөг дээшлүүлэх зохион байгуулалтын арга хэмжээг авч хэрэгжүүлэх.