Говь-Алтай аймгийн Аудитын газар-“Цэгцтөв богд аудит” ХХК,“Координат аудит” ХХК-д санхүүгийн аудит хийх Эрхийн бичиг болон батламжийг гардууллаа.

ГОВЬ-АЛТАЙ АЙМГИЙН АУДИТЫН ГАЗАР 2016 ОНЫ САНХҮҮГИЙН ТАЙЛАНД ГЭРЭЭГЭЭР АУДИТ ХИЙЛГЭХ АУДИТЫН КОМПАНИЙГ СОНГОН ШАЛГАРУУЛСАН ТАЛААРХ МЭДЭЭЛЭЛ

2017.01.06                                                                                                     Есөнбулаг сум

            Үндэсний Аудитын газрын харьяа Говь-Алтай аймгийн Аудитын газар нь Төрийн аудитын тухай хуулийн 18 дугаар зүйлийн 18.5 дахь заалт,  Монгол Улсын  Ерөнхий аудиторын 2013 оны 09 дүгээр сарын 05-ны өдрийн 158 дугаар журмыг үндэслэн 2016 оны санхүүгийн тайланд аудитыг гэрээгээр гүйцэтгүүлэх, аудитын компанийг Тэргүүлэх аудиторын томилсон үнэлгээний хороо сонгон шалгаруулалт явуулсан байна.

            Сонгон шалгуулалтаар “Цэгцтөв богд аудит” ХХК, “Координат аудит” ХХК шалгарч Монгол Улсын Ерөнхий аудиторын 2016 оны 06 дугаар сарын 30-ны өдрийн А/72, 2016 оны 9 дүгээр сарын 20-ны өдрийн А/98 тоот тушаалаар 2016 оны санхүүгийн тайланд аудитыг гэрээгээр гүйцэтгүүлэхээр  батлагдсан  байна.

            Монгол Улсын Ерөнхий аудиторын тушаалын дагуу 5331455 улсын бүртгэлийн дугаартай “Цэгцтөв богд  аудит” ХХК-иар  орон нутгийн болон улсын төсвийн байгууллага-6,   орон нутгийн өмчит аж ахуйн тооцоот үйлдвэрийн газар-4 нийт 10 газрын  санхүүгийн тайланд 5.1 сая төгрөгийн төлбөртэйгээр аудитын ажил гүйцэтгүүлэх гэрээ байгууллаа.

            Монгол Улсын Ерөнхий аудиторын тушаалын дагуу 2565617 улсын бүртгэлийн дугаартай “Координат аудит” ХХК-иар 14 сумын Эрүүл мэндийн төв, Есөнбулаг сумын 3 өрхийн эмнэлэг нийт 17 байгууллагын  санхүүгийн тайланд 8.3 сая төгрөгийн төлбөртэйгээр аудитын ажил гүйцэтгүүлэх гэрээ байгууллаа.

“Цэгцтөв богд аудит” ХХК,“Координат аудит” ХХК-д аудитын хийх Эрхийн бичиг болон батламжийг гардууллаа.

ҮНДЭСНИЙ АУДИТЫН ГАЗРЫН ХАРЬЯА

ГОВЬ-АЛТАЙ АЙМГИЙН АУДИТЫН ГАЗАР