2012 оны Монгол улсын нэгдсэн төсвийн гүйцэтгэлд хийсэн аудитын тайлан

Тайлан

Аудитын дүн, дүгнэлтэд үндэслэн дараах арга хэмжээ авч хэрэгжүүлэхийг дор дурдсан албан тушаалтанд зөвлөж байна. Үүнд:

Монгол Улсын Ерөнхий сайд Н.Алтанхуягт:

1.  Төсвийн төслийг боловсруулах, Улсын Их Хурлаар батлуулах, төсвийн гүйцэтгэлийг зохион байгуулахдаа Төсвийн тогтвортой байдлын тухай хуулийн шаардлагыг хангахад анхаарч ажиллах,

Сангийн сайд Ч.Улаанд:

1.  Төлөвлөлтийн үндэслэлийг сайжруулах, зохион байгуулалт хяналтын тогтолцоог оновчтой, үр нөлөөтэй болгох, орлогын баазыг өргөтгөхөд чиглүүлэн төсвийн орлогын төлөвлөлт, хуваарилалт, бүрдүүлэлт, хяналт хариуцлагын хууль эрх зүйн зохицуулалт, өнөөгийн практик үйл ажиллагааг шинэчлэх асуудлыг боловсруулж шийдвэрлүүлэх,
2.  Төсвийн хөрөнгийн төлөвлөлт, хуваарилалтыг оновчтой болгох, үр өгөөжийг дээшлүүлэх шаардлагыг үндэслэн гүйцэтгэлд суурилсан төсөвлөлтийн тогтолцоог нэвтрүүлэх ажлыг эрчимжүүлэх арга хэмжээ авах,
3.  Татварын хөнгөлөлт, чөлөөлөлт үзүүлж буй эрх зүйн орчин болон бодлогод дүн шинжилгээ хийж, оновчтой болгох санал боловсруулж, шийдвэрлүүлэх,
4.  Төсвийн тухай хуулийн 56.3-д заасан хөшүүргийг ашиглаж орон нутгийн төсвийн хэрэгжилтэд тавих хяналтыг сайжруулах,