ГОВЬСҮМБЭР АЙМГИЙН АУДИТЫН ГАЗАР – СУМДЫН ИРГЭДИЙН ТӨЛӨӨЛӨГЧДИЙН ХУРЛЫН СОНГУУЛИЙН ЗАРДЛЫН ГҮЙЦЭТГЭЛД НИЙЦЛИЙН АУДИТ ХИЙЛЭЭ.

 Төрийн аудитын тухай хуулийн 15 дугаар зүйлийн 15.2.5, Сонгуулийн тухай хуулийн 60 дугаар зүйлийн 60.1-т зааснаар Говьсүмбэр аймгийн сумдын Иргэдийн Төлөөлөгчдийн Хурлын 2016 оны ээлжит сонгуульд оролцсон нам, нэр дэвшигчдийн сонгуулийн зардлын тайланг сонгуулийн хорооноос хүлээн авч хянан, сонгуулийн зардлын дүн, нэг сая ба түүнээс дээш төгрөгийн хандив өгсөн иргэн, хоёр сая ба түүнээс төгрөгийн хандив өгсөн хуулийн этгээдийг Сонгуулийн тухай хуулийн 60 дугаар зүйлийн 60.3-т заасны дагуу мэдээлж байна.

Говьсүмбэр аймгийн сумдын ИТХ-ын 2016 оны ээлжит сонгуулиар 3 сумын 10 багаас 67 мандатын төлөө өрсөлдөхөөр 134 нэр дэвшигч бүртгүүлснээс “МАН”-аас 67, “Ардчилсан нам”-аас 67 нэр дэвшсэн байна. Сумын ИТХ-ын сонгуульд 2 нам /МАН, АН/ оролцож МАН 5.3 сая төгрөгийн төсөв бүрдүүлж, 4.9 сая төгрөгийн зардал, АН  6.8 сая төгрөгийн төсөв бүрдүүлж 6.7 сая төгрөг зарцуулсан байна. Сумын ИТХ-ын сонгуульд 4 иргэн 7,6 сая төгрөгийн хандив өгсөн байна.