ХЭНТИЙ АЙМАГ-2016 ОНЫ САНХҮҮГИЙН ТАЙЛАНГИЙН АУДИТАД ИТГЭЛ ҮЗҮҮЛСЭН БАЙГУУЛЛАГУУДАД “ИТГЭМЖЛЭЛ” ГАРДУУЛАВ.
11:05 01 сарын 23 өдөр 2017 он
Хэнтий аймгийн Аудитын газар 2016 оны төсвийн гүйцэтгэл, санхүүгийн тайлангийн аудит эхэлж байгаатай холбогдуулан төсвийн шууд захирагч нартай уулзалт зохион байгууллаа. Уулзалтад аймгийн Аудитын газрын дарга, Тэргүүлэх аудитор Ц.Энхтүвшин аймгийн Аудитын газрын 2016 оны үйл ажиллагааны талаар товч танилцуулан, 2017 оны санхүүгийн тайлангийн аудитын хамрах хүрээ, аудитын онцлог, ач холбогдол, анхаарах зарим асуудлын талаар зөвлөмж, зөвлөгөө өгөв. Мөн МУЕА-ын 2015 оны 240 дүгээр тушаалаар баталсан “Санхүүгийн тайлангийн аудитад итгэл үзүүлэхэд баримтлах журам”-ын шаардлагыг хангасан 15 байгууллагын дарга, нягтлан бодогч нарт “ИТГЭМЖЛЭЛ” гардууллаа.
