САНХҮҮГИЙН АУДИТЫН ГАЗАР 2016 ОНД БАТЛАГДСАН ТӨЛӨВЛӨГӨӨ, ХӨТӨЛБӨРТ ТУСГАСАН АУДИТЫГ БҮРЭН ХИЙЖ ГҮЙЦЭТГЭЛЛЭЭ

Санхүүгийн аудитын газар Монгол Улсын Ерөнхий аудиторын 2016 оны А/05 дугаар тушаалаар баталсан “Үндэсний аудитын газраас 2016 онд нийлүүлэх аудитын болон ажил үйлчилгээний төлөвлөгөө”-д тусгасан санхүүгийн тайлангийн аудитыг бүрэн гүйцэтгэлээ.

Тус газар нь Төсвийн тухай хуульд заасан цаглабарт хугацаанд Засгийн газрын санхүүгийн нэгтгэсэн тайлан, улсын төсвийн ерөнхийлөн захирагч 29, Засгийн газрын тусгай сангууд болон төсвийн төвлөрүүлэн захирагч 33, шууд захирагч 152, төрийн өмчийн аж ахуйн нэгж 73, төсөл, хөтөлбөрийн нэгж 26, нийт 313 санхүүгийн тайланд аудит хийж дүгнэлт гаргалаа. Мөн Төв төрийн сангийн санхүүгийн тайланд аудит хийлээ.

Санхүүгийн тайлангийн аудитаар 997 заалт бүхий зөвлөмж өгч, 13.5 их наяд төгрөгийн алдаа, зөрчлийг илрүүлэн 5.4 их наяд төгрөгийн бүртгэл, тайлагналын алдааг залруулан, 1,234.9 сая төгрөгийн төлбөрийн акт тогтоосноос 996.5 сая төгрөгийг барагдуулж, 80,035.0 сая төгрөгийн албан шаардлага хүргүүлснээс 4,426.2 сая төгрөгийн дүнтэй 22 албан шаардлагыг хэрэгжүүлэн ажиллаа.