2012 оны Засгийн газрын санхүүгийн нэгтгэсэн тайланд хийсэн аудит

Тайлан

Зөвлөмжүүд

Аудитын дүн, дүгнэлтэд үндэслэн дараах арга хэмжээг авч хэрэгжүүлэхийг дор дурдсан албан тушаалтанд зөвлөж байна.

Монгол Улсын Ерөнхий сайд Н.Алтанхуягт:

•    Засгийн газрын шугамаар авч ашиглаж буй гадаад зээлийн ашиглалтыг сайжруулж, гадаадын зээл, тусламжаар хэрэгжүүлж буй төсөл хөтөлбөрүүдэд үнэлгээ хийж, үр дүнг тооцох;
•    Гадаад зээлийн хөрөнгийг дотоодод дамжуулан зээлдүүлэх зээлийн үйл ажиллагааг зохицуулах эрх зүйн орчныг боловсронгуй болгож, цаашид арилжааны банкаар дамжуулан хэрэгжүүлэх ажлыг зохион байгуулах;
•    Засгийн газар “Сансрын хиймэл дагуулаар телевизийн 10 сувгийн нэвтрүүлэг орон даяар дамжуулах үйлчилгээний төлбөрийн гэрээ”-ний дагуу 10 сувгийн нэрийг тодорхойлж өгөх, гэрээг шинэчилж, хэрэгжилтэд хяналт тавих;
•    Төсвийн эрх захирагчийн эд хөрөнгийн эрхийн талаарх эрх зүйн зохицуулалтыг Төсвийн тухай шинэчилсэн хуультай нийцүүлэн Төрийн болон орон нутгийн өмчийн тухай хуульд өөрчлөлт оруулах асуудлыг судалж шийдвэрлүүлэх;
•    Төрийн өмчийн төлөөллийг хэрэгжүүлэх талаарх эрх зүйн зохицуулалтыг боловсронгуй болгож, чиглэлийн яамдад хариуцуулах асуудлыг судалж шийдвэрлүүлэх, хууль зөрчсөн албан тушаалтнуудтай хариуцлага тооцох;
•    Хүний хөгжил сангийн алдагдлыг бууруулах, менежментийг сайжруулах бодлогыг хэрэгжүүлэх,
•    Нийгмийн даатгалын сангийн төрийн санд байршиж буй мөнгөн хөрөнгийн үлдэгдэлд хүү тооцуулах асуудлыг судлан шийдвэрлэх;

Сангийн сайд Ч.Улаанд:

•    Улсын өр болон Засгийн газрын мөнгөн хөрөнгө, нөөцийн удирдлагыг зохистой хэрэгжүүлэх;
•    Сангийн сайдын 2006 оны 32, 388 дугаар тушаалаар батлагдсан журам, заавруудыг УСНББОУС болон Төсвийн тухай хуульд нийцүүлэн шинэчилж мөрдүүлэх;
•    Төв төрийн сангийн гүйлгээг Сангийн сайдын төсвийн багцын тайланд нэгтгэж, хуулийн хугацаанд ҮАГ-т ирүүлж байх, санхүүгийн програм хоорондын уялдааг хангах;
•    Хугацаа хэтэрсэн, эзэн холбогдогч нь тодорхойгүй авлагыг барагдуулах талаар зохион байгуулж байгаа ажлыг эрчимжүүлэх, эрх бүхий байгууллагын шийдвэрийг үндэслэн 2013 онд багтаан цэгцлэх;
•    Төсвийн тухай хуулийн 54.2, 8.9.8 дахь заалтуудыг үндэслэн төрийн болон орон нутгийн өмчит, төрийн болон орон нутгийн өмчийн оролцоотой хуулийн этгээдийн аудит хийгдсэн санхүүгийн тайланг ТЕЗ-ийн санхүүгийн тайланд нэгтгэх талаарх заавар, журмыг баталж, мөрдүүлэх;
•    ЗГСНТ болон ТЕЗ-ийн санхүүгийн нэгтгэсэн тайлан, төсвийн гүйцэтгэлийг гаргахад ашиглаж байгаа програм хангамжийг сайжруулж, мэдээллийн нэгдсэн эх үүсвэртэй байх боломжийг бүрдүүлэх;

Үйлдвэр, хөдөө аж ахуйн сайд Х.Баттулга, Төрийн өмчийн хорооны дарга Д.Цогтбаатар нарт:

•    ТӨХ-д бүртгэгдэн тайлагнагдаж буй үндсэн хөрөнгийн хөдлөл өөрчлөлт, өмчийн тооллоготой холбоотой судалгааг гаргаж, Төсвийн тухай хуулийн 8.9.8-д заасны дагуу аудит хийгдэхээс өмнө ҮАГ-т ирүүлж байх
•    Төрийн өмчийн хороо болон тайланд дурдагдсан зарим ТӨААН-ийн ТУЗ алдаатай шийдвэр, эрх зүйн акт гаргаж байгаад анхаарч, холбогдох албан тушаалтанд хариуцлага тооцох
•    ТӨААН-үүдийн тайлант оны ажлыг дүгнэхэд аудитаар гарсан зөрчил дутагдлыг харгалзан үзэж арга хэмжээ авч, аудитын зөвлөмжийн биелэлтийн талаархи мэдээллийг ҮАГ-т ирүүлж байх