ТӨСВИЙН ЕРӨНХИЙЛӨН ЗАХИРАГЧДЫН ҮЙЛ АЖИЛЛАГААНД ХИЙХ АУДИТЫН НЭЭЛТИЙГ ХИЙЛЭЭ
Монгол Улсын Ерөнхий Аудитор Д.Хүрэлбаатар 2017 онд Засгийн газрын үйл ажиллагаанд аудит хийх тухай ойлголтын захидал болон аудитын төлөвлөгөө, хөтөлбөрийг Монгол Улсын Ерөнхий сайд Ж.Эрдэнэбат, Монгол Улсын Шадар сайд, Монгол Улсын сайд, Засгийн газрын Хэрэг эрхлэх газрын дарга болон яамдын сайдуудад гардууллаа.
Монгол Улсын Ерөнхий Аудитор Д.Хүрэлбаатар аудитыг нээж үг хэлэхдээ “Бид хуулийн дагуу олон улсын стандартад нийцүүлэн аудит хийнэ. Аудит хийх хуулиар олгогдсон хугацаанд сахилга батад анхаарч, харилцан хүлээсэн үүргээ ухамсарлаж ажиллана гэдэгт итгэж байна” гэлээ.
Төсвийн ерөнхийлөн захирагчийн эрхлэх асуудлын хүрээний төсвийн байгууллага, төсөл хөтөлбөр, төрийн болон төрийн өмчийн оролцоотой аж ахуйн нэгжийн санхүүгийн тайланд Төсвийн тухай хуулийн цагалбарын дагуу аудит хийх юм.
