Дундговь аймаг: Санхүү, төрийн сангийн хэлтсийн ажилтнуудтай уулзалт зохион байгууллаа
12:14 02 сарын 08 өдөр 2017 он
Дундговь аймгийн Аудитын газар төсөвт байгууллагуудын 2016 оны санхүүгийн тайланд хийж буй санхүүгийн аудиттай холбогдуулан аймгийн Санхүү, төрийн сангийн хэлтсийн дарга, ерөнхий санхүүч нартай 2017-02-07-ны өдөр уулзалт зохион байгуулж аудитын явцын талаар ярилцлаа.
Тус уулзалтаар аудитын газраас загвар файл алдаатай хөрвөгдөж байгаа нь аудит хийхэд хүндрэл учруулж байгаа талаар анхааруулсан. Ерөнхий санхүүч санхүүгийн программын Excel загварын алдааг засуулах асуудлыг холбогдох байгууллагатай холбогдож шийдүүлэхээр болсон.
Мөн Сангийн яамны программ 2017-02-24-ний өдөр хаагдах болсонтой холбогдуулан төсвийн шууд захирагчийн санхүүгийн аудитыг 2017-02-23-ны дотор дуусгахаар боллоо.
