ИНТОСАИ-Н ТУХАЙ
17:41 03 сарын 12 өдөр 2015 он
Аудитын дээд байгууллагуудын олон улсын байгууллага ИНТОСАИ нь НҮБ болон түүний төрөлжсөн байгууллагуудад гишүүнчлэл бүхий орнуудын АДБ-уудын мэргэжлийн байгууллага юм.
Анх 1953 онд байгуулагдахдаа 34 орны АДБ-ын гишүүнчлэлтэй байсан бол одоо 185 гаруй орны АДБ-ыг эгнээндээ нэгтгээд байна. ИНТОСАИ-н Ерөнхий нарийн бичгийн даргын үүргийг Австрийн аудитын шүүх олон арван жил гүйцэтгэсээр ирсэн. ИНТОСАИ-н албан ёсны 5 хэл нь араб, англи, франц, герман, испани хэл болно.
2004 онд Унгарын Будапешт хотноо болсон ИНТОСАИ-н XVIII Их хурлаар баталсан ИНТОСАИ-н 2005-2010 оны Стратегийн төлөвлөгөөнд ИНТОСАИ-н зохион байгуулалтын бүтцийг өөрчлөх зорилт тусгагдсан.
ИНТОСАИ нь АДБ-уудын хооронд үзэл бодол, туршлага солилцох явдлыг дэмжих зорилго бүхий байнгын байгууллага хэлбрээр байгуулагдсан автономит, хараат бус, улс төрөөс ангид байгууллага юм./ИНТОСАИ-н Дүрэм, Бүлэг 1, Хэсэг 1/
ИНТОСАИ-н гишүүнчлэл хоёр хэлбэртэй. НҮБ, түүний төрөлжсөн байгууллагын гишүүн орнуудын АДБ-ууд болон олон улсын хуулиар үйл ажиллагаа нь зохицуулагддаг, зохих түвшний эдийн засаг, техник зохион байгуулалт, санхүүгийн интеграц, хуулийн статус бүхий үндэстэн дамнасан байгууллагуудын АДБ-ууд ИНТОСАИ-н бүрэн эрхт гишүүн /Full Member/ болох эрхтэй. Харин олон улсын байгууллага, мэргэжлийн байгууллага, төрийн хөндлөнгийн аудитыг хүлээн зөвшөөрдөг бусад байгууллага ИНТОСАИ-н сурвалжлагч байгууллага буюу дэд гишүүн /Associate Member/ болох эрхтэй.
ИНТОСАИ-н Дүрмийн 3 дугаар бүлэгт заасанчлан дор дурдсан байгууллагууд нь ИНТОСАИ-н байгууллага болно.
•Их хурал
•Удирдах зөвлөл
•Ерөнхий нарийн бичгийн даргын алба
•Бүс нутгийн ажлын хэсгүүд
