АУДИТЫН ДЭЭД БАЙГУУЛЛАГУУДЫН АЗИЙН БАЙГУУЛЛАГА (АСОСАИ)-Н ТУХАЙ
17:44 03 сарын 12 өдөр 2015 он
Аудитын Дээд Байгууллагуудын Азийн Байгууллага (АСОСАИ) нь Аудитын Дээд Байгууллагуудын Олон Улсын Байгууллага (ИНТОСАИ)-ын 7 бүсийн ажлын хэсгийн нэг нь бөгөөд 1979 онд үүсгэн байгуулагдсан.
АСОСАИ-г байгууллахад Филиппиний Аудитын дээд байгууллага, түүний тухайн үеийн дарга Франциско С.Тантуичо ихээхэн үүрэг гүйцэтгэжээ. 1977 онд тэрбээр тасралтгүй сургалт, судалгаа, боловсролоор дамжуулан Төрийн аудиторуудын гүйцэтгэлийн аудитын чанарыг сайжруулах байгууллага байгуулах саналыг Ази дахь түншүүддээ тавьсан байна. Түүний энэ санал бүс нутгийн хүрээнд ихээхэн дэмжлэг хүлээжээ.
1977 онд Филиппиний АДБ Германы Олон улсын хөгжлийн сангийн техникийн болон санхүүгийн туслалцаагаар Тагатай хотноо Азийн төрийн аудиторуудын бүсийн анхдугаар семинарыг зохион байгуулсан бөгөөд энэхүү семинарын хэлэлцэх асуудлын хүрээнд АСОСАИ-г байгуулах асуудал тусгагдсан байжээ.
1978 онд Берлинд Азийн АДБ-уудын тэргүүнүүд Германы Олон улсын хөгжлийн сангаас зохион байгуулсан хуралд оролцож АСОСАИ-н дүрмийг боловсруулж дуусгажээ. Мөн Энэтхэгийн Хянан Шалгагч бөгөөд Ерөнхий аудитор АСОСАИ-н анхны чуулганыг өөрийн орондоо зохион байгуулах санал тавьсан нь дэмжигджээ.
Ингээд 1979 оны 10 дугаар сарын 4-нд Бангладеш, Энэтхэг, Индонез, Малайз, Непал, Тайланд, Филиппиний АДБ-уудын тэргүүнүүд Берлин хотноо АСОСАИ-г байгуулах баримт бичигт гарын үсэг зурж, ноён Тантуичог анхны Ерөнхий нарийн бичгийн даргаар сонгосон байна.
АСОСАИ анх 11 гишүүнтэй байгуулагдаж байсан бол одоо 45 орны Аудитын Дээд байгууллагууд (АДБ)-ыг эгнээндээ нэгтгэсэн олон улсын томоохон байгууллага болон хөгжиж байна.
